Cuentu de los dos hermanos

Cuentu de los dos hermanos

Tipu	manuscritu y obra lliteraria
Llingua orixinal	llingua exipciana tardiega
Xéneru artísticu	cuento (es)
Material	papiru

La Historia de los dos hermanos ye un antiguu rellatu exipciu escritu a finales de la Dinastía XIX, ca. sieglu XIII e.C.^[2] Llegónos una copia en bon estáu nel Papiru D'Orbiney, calteníu nel Muséu Británicu cola referencia EA 10183.^{[nota 1]}

El cuentu incide nos tipos humanos, describiendo los sos calteres. El papiru perteneció a Seti II,^[3] y paez ser una sátira política basada nes dificultaes que tuvo col so hermanu Amenmeses.^[4] Foi escritu pol escriba Ennana, anque nel colofón tamién cita a les escribes Hori y Meremope.^[2]

El testu tien semeyances col rellatu de José na casa de Putifar,^[5] inclusive podría tratase de dos versiones de la mesma historia.^[6][7] Otros elementos paecen tar basaos nos mitos de la muerte y resurreición d'Osiris. Los nomes de los protagonistes, Anpu y Bata, son los de dioses del nomo 17 del Alto Exiptu, llamáu tamién Anpu.^{[nota 2]}

1. ↑ Sobre la fueya de la Historia de los dos hermanos, nel sitio del Muséu Británicu; n'inglés.
2. ↑ ^{2,0 2,1} Lichtheim: op. cit., páx. 203.
3. ↑ Petrie: op. cit., páx. 30.
4. ↑ Breasted: op. cit., 3ª parte, páxs. 239 y ss.
5. ↑ Xénesis 39:1-20
6. ↑ Shaw y Nicholson: op. cit., páx. 54.
7. ↑ Wettengel: op. cit., páx. 318.

Error de cita: Esisten etiquetes <ref> pa un grupu llamáu "nota", pero nun s'alcontró la etiqueta <references group="nota"/> correspondiente