Dialeutu flamencu

Flamencu 'Vlaams'
Faláu en	Bélxica  Francia (Flandes francés)  Países Baxos
Familia	Indoeuropéu  Xermánicu   Xermánicu occidental    Baxoxermánicu     Baxu fráncicu      Neerlandés       flamencu
Estatus oficial
Oficial en	Nengún país
Reguláu por	Nun ta reguláu
Códigos
ISO 639-1	nl
ISO 639-2	dut/nld
ISO 639-3	nld
Estensión del flamencu

El neerlandés flamencu, o a cencielles flamencu, ye'l dialeutu o variedá rexonal del idioma neerlandés falada en Flandes. El neerlandés yera faláu orixinalmente na zona de la desaguada de los ríos Rin, Escaldia y Mosa qu'aprosimao cubría los actuales Países Baxos, Norte de Bélxica, norte de Francia (Dunkerque, Calais) y una pequeña parte del Noroeste d'Alemaña.

La guerra de los Ochenta Años (1568-1648) provocó la división de les Diecisiete Provincies nes Provincies Xuníes al norte y los Países Baxos del Sur al sur. Esta separación política ente les provincies neerlandófonas provocó qu'en cada zona l'idioma sufriera una evolución con delles singularidaes.

La hexemonía de les provincies de Flandes nel sur y d'Holanda nel norte dio llugar a que, de manera daqué informal, usárase'l términu flamencu pa estremar les peculiaridaes del sur y holandés pa les del norte, magar dambos tienen de ser consideraos dos de los principales dialeutos del neerlandés.

Amás, cada ciudá, pueblu y aldega tien el so propiu dialeutu, cuasi siempres en progresivu cayente.^[1] El conxuntu de tolos dialeutos falaos na rexón de Flandes sería lo que se suel llamar llingua flamenca.

1. ↑ Les autoridaes tán últimamente interesaes en caltener el legáu de les llingües locales y en delles ciudaes dan cursos del dialeutu llocal. Esti interés ye más destacáu en Flandes occidental, l'área con más singularidaes.