Back Eta Carinae Afrikaans إيتا الجؤجؤ Arabic Ета Кил Bulgarian Eta Carinae BS Eta de la Quilla Catalan Eta Carinae Czech Eta Carinae Danish Eta Carinae German Ήτα Τρόπιδος Greek Eta Carinae English
 Nesta imaxe del Telescopiu Espacial Hubble pueden apreciase a estrellar Eta Carinæ y los restos d'erupciones antigües que formen la Nebulosa del Homúnculo alredor de la estrella. La nebulosa foi creada por una erupción d'Eta Car que la so lluz algamó la Tierra en 1843. Eta Car apaez como un parche blancu nel centru de la imaxe, onde los dos lóbulos de la nebulosa Homúnculo converxen. | ||
| Datos d'observación (Dómina J2000) | ||
| Constelación | Carina | |
| Ascensión reuta (α) | 10h 45m 03.6s | |
| Declinación (δ) | -59° 41' 04? | |
| Mag. aparente (V) | 6.21 (-0.8–7.9) | |
| Carauterístiques físiques | ||
| Clasificación estelar | Peculiar | |
| Masa solar | 100–120 M☉ | |
| Radiu | (80–180 R☉) | |
| Índiz de color | 0.61 (B-V) | |
| Lluminosidá | 5 × 10⁶(bolometric) L☉ | |
| Temperatura superficial | 36–40,000 K | |
| Variabilidá | Variable lluminosa azul | |
| Periodu d'oscilación | 5.52-5.54yr | |
| Otres designaciones | ||
| Foramen, Tseen She, HR 4210, CD-59°2620, HD 93308, SAO 238429, WDS 10451-5941, IRAS 10431-5925, GC 14799, CCDM J10451-5941 | ||
| [editar datos en Wikidata] | ||
Eta Carinae (η Car / η Carinae) ye una estrella del tipu variable lluminosa azul hipermasiva, asitiada na constelación de la Quilla. La so masa bazcuya ente 100 y 150 vegaes la masa solar, lo que la convierte nuna de les estrelles más masives conocíes en nuesa Galaxa. Coles mesmes, tien una peralta lluminosidá, d'alredor de cuatro millones de vegaes la del Sol; por cuenta de la gran cantidá de polvu esistente al so alredor, Eta Carinae irradia'l 99% de la so lluminosidá na parte infrarroxa del espectru, lo que la convierte nel oxetu más brillosu del cielu nel intervalu de llonxitú d'onda ente 10 y 20 µm.
Eta Carinae ye una estrella bien nueva, con una edá ente los 2 y los 3 millones d'años, y alcuéntrase asitiada en NGC 3372, tamién llamada la Gran Nebulosa de Carina o a cencielles Nebulosa de Carina. Dicha nebulosa contién delles estrelles supermasivas, incluyendo, amás d'Eta Carinae, la estrella HD 93129A.
La estrella ta arrodiada por una nebulosa conocida como la Nebulosa del Homúnculo. Dada la so gran masa, Eta Carinae ye altamente inestable y propensa a violentes eyecciones de materia. Según les teoríes actuales de la estructura y de la evolución estelares, esta inestabilidá ye causada por lluminosidá estrema y una temperatura superficial non descomanadamente caliente, lo que la asitia dientro del diagrama Hertzsprung-Russell nuna rexón afeutada pola llende d'Eddington. En diches circunstancies, la elevadísima presión de la radiación na "superficie" de la estrella fai qu'ésta espulse grandes cantidaes de materia de les sos capes esteriores al espaciu. Na imaxe puede apreciase la nebulosa Homúnculo, formada por estes eyecciones de materia.
Eta Carinae probablemente termine la so vida nuna esplosión de supernova dientro d'unos pocos cientos de miles d'años. Dellos astrónomos especulen con qu'esto va asoceder dientro d'un ralu enforma menor de tiempu, pero esisten munches incertidumes al respeutu, pos la evolución de les estrelles supermasivas ye bien malo de modelar numbéricamente.