Fernando de Noronha

Fernando de Noronha
Alministración
País	Brasil
Unidá federativa	Pernambuco
Tipu d'entidá	archipiélagu
Nome llocal	Fernando de Noronha (pt)
Xeografía
Coordenaes	3°51′18″S 32°25′30″W / 3.855°S 32.425°O / -3.855; -32.425
Superficie	26 km²
Altitú media	0 m
Demografía
Población	3167 hab. (2022)
Densidá	121,81 hab/km²
Más información
Estaya horaria	UTC−02:00 y America/Noronha (en)
noronha.pe.gov.br

Fernando de Noronha ye un archipiélagu volcánicu brasilanu, perteneciente al estáu de Pernambuco. Atópase nel océanu Atlánticu, a 545 km de Recife (capital de Pernambuco), 710 km de Fortaleza (capital de Ceará), y a 360 km de Natal (capital de Rio Grande do Norte).

L'archipiélagu tien 26 km² en total y ta formáu por 21 islles de les cualos solo ta habitada la mayor d'elles (que tien 17 km²), y la cual lleva'l mesmu nome que l'archipiélagu. El restu fueron declaraes Parque Nacional Marín pol gobiernu del país, y polo tanto ta prohibida la presencia humana nelles, salvu pa fines d'investigación científica. El so llocalización ye 3° 50' S, 32° 24' W. En 2001, l'archipiélagu foi declaráu Patrimoniu de la Humanidá pola Unesco.

Xunto con Atol das Roques y Abrolhos, ye consideráu unu de los meyores puntos de bucéu de Brasil, polo que munchos ecoturistas viaxen al archipiélagu puramente pa buciar. Hasta hai 15 años la infraestructura pal turismu yera bien básica, consistente en posaes familiares, y pocos restoranes; pero nos últimos años ameyoraron enforma los sos servicios y surdieron nueves posaes pa turistes más esixentes. Sicasí, los turistes que van a "Noronha" (como ye comúnmente llamáu) nun busquen centros nocherniegos nin grandes hoteles, sinón que tán dispuestos a tener un pocu de incomodidades con tal d'esfrutar de la naturaleza única del archipiélagu, comparable a buciar nel mar Caribe o les Islles Maldives.