Back Unihockey ALS كرة الأرض (رياضة) Arabic Флорбол Bashkir Unihokej BS Hoquei pista Catalan Florbal Czech Floorball Danish Unihockey German Floorball English Unihokeo Esperanto
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El floorball tien los sos oríxenes a principios de los años 1950. El primer campeonatu tuvo llugar en Michigan (EE UU) en 1962. Surdió como una práutica derivada del bandy. Practicábase como un pasatiempu nos colexos, yá que yera una alternativa barata y que podía practicase mientres tol añu. Nos 80 empezaron a desenvolvese les primeres regles y pasó de ser un xuegu pal recréu a ser un deporte formal nos países de la Europa septentrional. Dempués d'unos años, dellos países formaron les sos federaciones y en 1986 fundóse la IFF (Federación Internacional de Floorball). N'España introducióse gracies a los colexos ya institutos qu'incluyeron esti deporte na so programación y empezó llamándose "unihockey"; tamién se-y llamó Plasticbandy, Softbandy, Floorbandy, Innebandy, Floorhokey o Unihoc.
A nivel internacional, cuatro países lleven apoderando esti deporte dende la creación de la IFF en 1986: República Checa, Suecia, Finlandia y Suiza. Tamién s'estendió per Europa llegando a España y Portugal.
La competición internacional más importante son los Campeonatos del Mundu, que se celebren cada dos años: dende 1996 y nos años pares en categoría masculina; y dende 1997 y nos años impares en categoría femenina. Suecia proclamóse Campeona del Mundu en categoría masculina na edición de 2006 celebrada en Suecia, ente que Suiza fixo lo propio en categoría femenina, nel Campeonatu del Mundu que tuvo llugar en Singapur en 2005.
La popularidá del floorball va creciendo en munchos otros países d'Europa y n'otres partes del mundu. En 2009, la Federación Internacional de Floorball (IFF) cuntaba coles federaciones y asociaciones nacionales de 37 países.