Galicia (Europa central)

Galitzia, Galicia^[1]​ o Galicia de los Cárpatos (n'ucraín, Галичина; en polacu, Galicja; en checu, Halič; n'alemán, Galizien; n'húngaru, Galícia/Kaliz/Gácsország/Halics; en rumanu, Galiția/Halici; en rusu, Галиция/Галичина, Galitsiya/Galichina; en rusino: Галичина, Halychyna; n'eslovacu, Halič; en yidis, גאַליציע, Galytsye) ye una rexón d'Europa del Este^[2][3][4]​ delimitada polos austriacos para determinar les árees de Pequeña Polonia y Rutenia Colorada (tamién partes de Volinia y Podolia) anexonaes en 1772 a Austria. Toma'l so nome de la primer capital de la rexón, la ciudá de Halicz,^[5][6][7]​ na actual Ucraína.

El nucleu de Galitzia atópase dientro de les rexones de l'actual Ucraína occidental: Lviv, Ternópil y Ivano-Frankivsk cerca de Hálych. Dende alredor del sieglu XIX Galitzia consta del área que s'atopa xusto al norte de los Cárpatos, al este de la Pequeña Polonia, la Subcarpacia, Silesia y al norte y noroeste de Transilvania y la rexón rumana de Moldavia.

Esiste una considerable superposición entre Galitzia y la rexón suroeste de Rutenia, especialmente una rexón tresfronteriza (centrada nel óblast de Zakarpatia, la rexón de Transcarpacia de l'actual Ucraína) que ta habitada por delles nacionalidaes, incluyida la minoría rutena, tamién llamaos cárpato-rusos. Nesti sentíu modernu, Rutenia taría a caballu ente l'oeste d'Ucraína, Polonia y Eslovaquia.

1. ↑ En varies cartografíes y diversos documentos el nome d'esta rexón d'Europa centro-oriental suel apaecer escritu exactamente de la mesma que'l de la rexón del estremu noroeste de la Península Ibérica, polo cual encamiéntase procuru pa discernir al respective de qué rexón europea ta tratándose en talos casos.
2. ↑ Eleonora Narvselius (5 d'abril de 2012). Narratives about (Be)longing, Ambiguity, and Cultural Colonization (Google eBook), Lexington Books, páx. 293. ISBN 0739164708. Consultáu'l 6 d'avientu de 2013.
3. ↑ Larry Wolff (9 de xineru de 2012). Mythology and Nostalgia: A Matter of Simple Relativity (Google eBook), Stanford University Press, páx. 411. ISBN 0804774293. Consultáu'l 6 d'avientu de 2013.
4. ↑ Paul R. Magocsi (2002). Jews and Armenians in Central Europe, ca. 1900 (Google Books), University of Toronto Press, páx. 124. ISBN 0802084869. Consultáu'l 6 d'avientu de 2013.
5. ↑ «European Kingdoms - Eastern Europe - Galicia». The History Files. Kessler Associates. Consultáu'l 13 d'avientu de 2014.
6. ↑ History of Galicia
7. ↑ Ukrainian Historiacal Glossary