Guerra de Granada

Pa la intervención d'Estaos Xuníos d'América de 1983 na isla caribeña homónima, vease Invasión de Granada.

Guerra de Granada
Parte de Conquista Cristiana de la Península Ibérica
Fecha	1482 → 2 xineru 1492
Llugar	Sureste de la península ibérica, (Reinu de Granada y tierres fronterices)
Resultáu	Victoria decisiva de los Reis Católicos.
Cambeos territoriales	El Reinu nazarí de Granada ye anexonáu a la Corona de Castiella
Belixerantes
Corones de Castiella y Aragón Órdenes Militares Cruzaos europeos Reinu de Granada (oficialista) Zegríes Gomeres Reinu de Granada (Boabdil) Abencerrajes
Comandantes
Fernando II d'Aragón Sabela I de Castiella Diego de Merlo † Marqués de Cádiz Conde de Cabra Duque de Medina Sidonia Íñigo López de Mendoza Alonso de Cárdenas Rodrigo Téllez Girón † Diego López Pacheco Gonzalo Fernández de Córdoba Hernán Pérez del Pulgar Andrés Cabrera Pedro Enríquez Francisco Ramírez Duque d'Alba de Tormes Muley Hacén † El Zagal Cid Hiaya Boabdil Aixa
Fuercies en combate
82 000 combatientes 200 cañones[1] 100 buques de guerra[1]
Baxes
100 000 muertos o esclavizados
[editar datos en Wikidata]

La guerra de Granada foi'l conxuntu de campañes militares que tuvieron llugar ente 1482 y 1491, entamaes pola reina Sabela I de Castiella y el so maríu'l rei Fernando II d'Aragón nel interior del reinu nazarí de Granada, que remataron cola Capitulaciones de Granada del rei Boabdil, quien bazcuyara ente l'alianza, el doble xuegu, la contemporización y l'enfrentamientu abiertu con dambos bandos y que tuvo como consecuencies la integración na Corona de Castiella del últimu reinu musulmán de la península ibérica rematándose'l procesu históricu de la Reconquista que los reinos cristianos empezaren nel sieglu VIII y pol cual el papa Alexandru VI reconoció a Isabel y Fernando col títulu de Reis Católicos en 1496.

Los diez años de guerra nun fueron un esfuerciu continuu: solía marcar un ritmu estacional de campañes empecipiaes en primavera y deteníes nel iviernu.

Amás, el conflictu tuvo suxetu a numberoses vicisitúes béliques y civiles. Nel bandu cristianu foi decisiva la capacidá d'integración nuna misión común qu'entamó principalmente la Corona de Castiella sofitada pola nobleza castellana y l'imprescindible impulsu del cleru so l'autoridá de la emerxente Monarquía Católica. La participación de la Corona d'Aragón foi de menor importancia: amás de la presencia del propiu rei Fernando, consistió na collaboración naval, l'aportación d'espertos artilleros y l'emprestu financieru. Nel bandu musulmán fueron notables los enfrentamientos internos que favorecieron l'ésitu de los sos contrarios.

La protocolaria entrega de les llaves de la ciudá y la fortaleza-palaciu de l'Alhambra, el 2 de xineru de 1492 sigue conmemorándose tolos años nesa fecha con un tremolar de banderes dende'l Conceyu de la Ciudá de Granada.

1. ↑ ^{1,0 1,1} Clodfelter, Micheal McFarland: Warfare and Armed Conflicts: A Statistical Encyclopedia of Casualty and Other Figures, 1492-2015, 4th ed (n'inglés). ISBN 978-0786474707.
2. ↑ VV. AA., Isabel la Católica na Real Academia de la Historia, Real Academia de la Historia, 2004. ISBN 9788495983541. Cfr. pal lema o llamátigu páx. 73.