Back Jack the Ripper Afrikaans جاك السفاح Arabic Qarındeşən Cek Azerbaijani Jack the Ripper BAR Джак Изкормвача Bulgarian জ্যাক দ্য রিপার Bengali/Bangla Yann an Toullgofer Breton Jack Trbosjek BS Jack l'Esbudellador Catalan جاک ڕیپەر (بکوژی زنجیرەیی) CKB

Jack l'Estripador

Jack l'Estripador
Vida
Nacimientu Reinu Xuníu, fecha desconocida
Muerte Londres, fecha desconocida
Sepultura Londres
Estudios
Llingües falaes inglés[1]
Oficiu asesín en serie
Llugares de trabayu Whitechapel
Cambiar los datos en Wikidata

Jack l'Estripador (Jack the Ripper n'inglés) ye'l nome dáu a un asesín en serie non identificáu al que se-y atribúin siquier cinco homicidios nel barriu londinense de Whitechapel (East End) en 1888, y que'l so modus operandi tuvo caracterizáu por cortes nel gargüelu, mutilaciones nes árees xenital y abdominal, extirpación d'órganos y desfiguración de la cara[2] de muyeres que se dedicaben a la prostitución.

A mediaos del sieglu xix, l'East End de Londres tenía sobrepoblación y el so nivel calidable de vida yera míseru.[3] La situación empeoró cola proliferación de barrios de clase baxa con notables índices de probeza, violencia, alcoholismu y prostitución.[4] Antes de los asesinatos, Whitechapel yera acomuñáu con casos d'antisemitismu, racismu, delincuencia, disturbios y privación.[5] Magar la Policía Metropolitana de Londres, en coordinación con Scotland Yard, imputó solo cinco asesinatos al mesmu individuu, los sos rexistros incluyeron seis crímenes más que conformaron l'espediente de Whitechapel.[6][2] Ente 1887 y 1891, la prensa atribuyó otra serie d'homicidios al Estripador, anque esisten discrepancies sobre esti venceyu.

Magar que s'investigó aproximao a trescientos sospechosos,[7] la investigación policiaca resultó ineficaz nel esclarecimientu de la identidá del asesín en serie, y foi oxetu de burlla y discutiniu per parte de la prensa.[8] Esto derivó nel establecimientu d'un comité ciudadanu encargáu de patrullar les cais de Whitechapel, identificar a posibles sospechosos ya investigar pola so cuenta los asesinatos.[9] Anque l'autor de los crímenes nunca foi identificáu, surdieron delles teoríes y barruntos per parte de la policía, prensa y autores pa esplicar les posibles conocencies quirúrxiques,[10] oficiu o ocupación y salú mental del homicida.[11] Dalgunos de los sospechosos a los que s'investigó fueron Montague Druitt,[12] Severin Klosowski,[13]Aaron Kosminski[14] y Francis Tumblety.[15] La policía recibió siquier tres cartes supuestamente roblaes pol asesín, nes qu'ésti se moflaba de les investigaciones y amenaciaba con siguir asesinando a prostitutes. Una de les misives taba roblada por «Jack l'Estripador» y a partir d'esi entós l'asesín empezó a ser referíu por esti llamatu.[16]

El mitu de Jack l'Estripador foi'l conceutu central de delles obres lliteraries, artístiques y cinematográfiques que, polo xeneral, combinen fechos reales con elementos ficticios y de terror, ayudando a consolidar una alegoría en redol al homicida que prevalez na dómina contemporánea.

  1. ↑ Afirmao en: idRef. Identificador de referencia de idRef SUDOC: 029165881. Data de consulta: 10 mayu 2020. Editorial: Agencia Bibliográfica de Enseñanza Superior. Llingua de la obra o nome: francés.
  2. ↑ 2,0 2,1 Error de cita: La etiqueta <ref> nun ye válida; nun se conseñó testu pa les referencies nomaes keppel
  3. ↑ Werner, 2008, p. 65-97 cita a Kershen, Anne J. The Immigrant Community of Whitechapel at the Time of the Jack the Ripper Murders; Werner, 2008, p. 225 cita a Vaughan, Laura, "Mapping the East End Labyrinth"
  4. ↑ Evans y Skinner, 2001, p. 1; Evans y Skinner, 2000, p. 283; Rumbelow, 2004, p. 12 cita'l reporte de la policía que data del 25 d'ochobre de 1888, MEPO 3/141 ff. 158-163
  5. ↑ Werner, 2008 cita a Marriott, John, The Imaginative Geography of the Whitechapel murders
  6. ↑ Error de cita: La etiqueta <ref> nun ye válida; nun se conseñó testu pa les referencies nomaes met
  7. ↑ Begg, 2003, p. 205 del inspector Donald Swanson al Ministeriu del Interior, 19 d'ochobre de 1888, HO 144/221/A49301C; Evans y Rumbelow, 2006, p. 113; Evans y Skinner,.
  8. ↑ Error de cita: La etiqueta <ref> nun ye válida; nun se conseñó testu pa les referencies nomaes burlla
  9. ↑ Error de cita: La etiqueta <ref> nun ye válida; nun se conseñó testu pa les referencies nomaes rewarded
  10. ↑ Error de cita: La etiqueta <ref> nun ye válida; nun se conseñó testu pa les referencies nomaes quirurgico
  11. ↑ Evans y Skinner, 2000, p. 360-362 citen la carta de Thomas Bond a Robert Anderson, 10 de payares de 1888, HO 144/221/A49301C; Rumbelow,.
  12. ↑ Fido, 1993, p. 203; Marriott, 2005, pp. 231-234; Rumbelow, 2004, p. 157.
  13. ↑ Begg, 2003, p. 281 cita a Adam, Hargrave Lee (1930), The Trial of George Chapman, William Hodge; Evans y Rumbelow, 2006, p. 229; Fido, 1993, p. 177; Rumbelow, 2004, p. 193.
  14. ↑ Begg, 2003, p. 266; Evans y Rumbelow, 2006, p. 236; Evans y Skinner, 2000, pp. 626-633; Fido, 1993, p. 169.
  15. ↑ Evans y Skinner, 2001, p. 203.
  16. ↑ Evans y Skinner, 2000, p. 193; Cook, 2009, pp. 77-78; Evans y Rumbelow, 2006, p. 140.
From Wikipedia, the free encyclopedia · View on Wikipedia

Developed by Nelliwinne