Jalifa bin Zayed bin Sultan Al Nahayan[4] (n'árabe: خليفة بن زايد بن سلطان آل نهيان) (7 de setiembre de 1948, Al Ain – 13 de mayu de 2022, Abu Dhabi) foi un políticu de los Emiratos Árabes Xuníos, país del que foi presidente dende'l 3 de payares de 2004, reemplazando al so padre Zayed bin Sultan Al Nahayan, quien morriera'l día anterior, hasta la so muerte en mayu de 2022.[5] Tuviera exerciendo como presidente de fechu desque'l so padre careció. Tamién ostenta'l cargu d'Emir y gobernante d'Abu Dhabi. Coles mesmes, ye consideráu unos de los homes más ricos del mundu según la revista Forbes; la so fortuna xubiría a 18.000 millones de dólares, allugándose nel tercer puestu nel llistáu de los gobernantes más ricos del mundu, iguáu pola mentada revista.
El xeque Jalifa ye conocíu polos sos intereses rexonales nos deportes, principalmente caballos y les carreres de camellos. Un edificiu nel departamentu de teoloxía en Lampeter lleva'l so nome, por cuenta de que foi'l so benefactor. Xeneralmente ye consideráu un prooccidental favorable a la modernización. A principios del so mandatu, n'abril de 2005, autorizó una medría d'ente'l 15 y el 25% nel sueldu de los emplegaos del Estáu.