James Joyce

James Joyce
Vida
Nacimientu	Rathgar (es) [1], 2 de febreru de 1882[2]
Nacionalidá	República d'Irlanda [3]
Residencia	avenue Charles-Floquet avenue Charles-Floquet
Llingua materna	inglés
Muerte	Zúrich[1], 13 de xineru de 1941[4] (58 años)
Sepultura	Cementerio de Fluntern (es) [5]
Causa de la muerte	peritonitis (es)
Familia
Padre	John Stanislaus Joyce
Casáu con	Nora Barnacle (1931 – 1941)
Pareyes	Nora Barnacle
Fíos/es	Lucia Joyce Giorgio Joyce
Hermanos/es	Stanislaus Joyce
Estudios
Estudios	Belvedere College (es) Clongowes Wood College (es) University College Dublin (1898 - 1902)
Llingües falaes	italianu llatín francés inglés[6] alemán danés
Oficiu	poeta, novelista, profesor, autor, escritor, periodista, críticu lliterariu, prosista
Altor	1800 mm
Llugares de trabayu	París, Trieste y Zúrich
Trabayos destacaos	Dubliners A Portrait of the Artist as a Young Man Ulysses Finnegans Wake Pomes Penyeach Exiles Stephen Hero
Influyencies	Giambattista Vico
Xéneru artísticu	literatura de ficción (es) poesía ficción psicológica (es) novela de aprendizaje (es)
Creencies
Relixón	catolicismu
IMDb	nm0004656
jamesjoyce.ie

James Augustine Aloysius Joyce, (2 de febreru de 1882, Rathgar ^(es)  – 13 de xineru de 1941, Zúrich), foi un escritor irlandés. Ye consideráu ún de los autores más relevantes del sieglu XX. Les sos obres más conocíes son el volume de cuentos Dubliners (1914) y les noveles A Portrait of the Artist as a Young Man (1916), Ulysses (1922) y Finnegans Wake (1939). Joyce ye representante destacáu de la corriente lliteraria de vanguardia denominada modernismu anglosaxón, xunto a autores como T. S. Eliot, Virginia Woolf, Ezra Pound o Wallace Stevens.

Aunque pasó la mayor parte de la so vida adulta fuera d'Irlanda, l'universu lliterariu d'esti autor alcuéntrase fuertemente enraigoñáu na so nativa Dublín, la ciudá que-y apurre a les sos obres de los escenarios, ambientes, personaxes y demás materia narrativa. Más en particular, la so problemática rellación primera cola ilesia católica d'Irlanda refléxase perbién a través de los conflictos interiores qu'atormentan al so álter ego na ficción, representáu pol personaxe de Stephen Dedalus. Asina, Joyce ye conocíu pola so atención minuciosa a un escenariu bien llendáu y pol so prolongáu y autoimpuestu exiliu, pero tamién pola so enorme influencia en tol mundu. Por ello, pese al so rexonalismu, paradóxicamente llegó a ser unu de los escritores más cosmopolitas del so tiempu.

L'editor de l'antoloxía The Cambridge Companion to James Joyce (Guía de Cambridge pa James Joyce) escribe na so introducción: «A Joyce lléenlu munches más persones de les que son conscientes d'ello. L'impautu de la revolución lliteraria qu'entamó foi tal que pocos novelistas posteriores d'importancia, en cualquiera de les llingües del mundu, escaparon a la so influencia, incluso aunque tratasen d'evitar los paradigmas y procedimientos joyceanos. Topamos indireutamente con Joyce, polo tanto, en munches de les nuestres llectures de ficción seria de la última metá de sieglu, y lo mesmo puede dicise de la ficción non tan seria».^{[nota 1]}

1. ↑ ^{1,0 1,1} Afirmao en: Gemeinsame Normdatei. Data de consulta: 30 avientu 2014. Llingua de la obra o nome: alemán. Autor: Biblioteca Nacional d'Alemaña.
2. ↑ Afirmao en: Archivio Storico Ricordi. Data de consulta: 1r marzu 2021. Apaez como: James Joyce. Identificador del Archivio Storico Ricordi: 12759.
3. ↑ URL de la referencia: http://www.nytimes.com/2011/05/01/travel/01trieste-italy.html?_r=1&pagewanted=all.
4. ↑ Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
5. ↑ Afirmao en: Find a Grave. Data de consulta: 29 xunu 2024. Llingua de la obra o nome: inglés.
6. ↑ Afirmao en: autoridaes BNF. Identificador BnF: 11909158m. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

Error de cita: Esisten etiquetes <ref> pa un grupu llamáu "nota", pero nun s'alcontró la etiqueta <references group="nota"/> correspondiente