Jennifer Love Hewitt

Jennifer Love Hewitt
Vida
Nacimientu	Waco, 21 de febreru de 1979[1] (45 años)
Nacionalidá	Estaos Xuníos
Residencia	Pacific Palisades
Llingua materna	inglés
Familia
Casada con	Brian Hallisay (2013 – )
Pareyes	Jamie Kennedy John Mayer
Fíos/es	3
Estudios
Estudios	Laurel Springs School (es) Abraham Lincoln High School (en)
Llingües falaes	inglés[2]
Oficiu	actriz de televisión, actriz de cine, cantante, actriz, productora de cine, actriz de voz, escritora, baillarina, guionista, compositora de cantares, productora de televisión, direutora de televisión
Trabayos destacaos	Ghost Whisperer
Xéneru artísticu	pop soul pop rock
Instrumentu musical	voz
Discográfica	Atlantic Records Jive
Creencies
Relixón	Ilesia Católica
IMDb	nm0001349

Jennifer Love Hewitt (21 de febreru de 1979, Waco) ye una actriz y cantante d'Estaos Xuníos. Empezó la so carrera como actriz cuando yera una neña, apaeciendo n'anuncios de televisión y na serie de Disney Channel Kids Incorporated. Algamó gran popularidá na cultura adolescente por trabayos na serie de Fox Party of Five, como Sarah Reeves y na película de terror I Know What You Did Last Summer y la so remortina, I Still Know What You Did Last Summer, dambes como Julie James.

Como cantante trabayó colos productores Medlac Records, Atlantic Records y Jive Records.^[3] Ye conocida principalmente por faer cantares d'estilu pop y por tener una voz sopranu (voz femenina aguda). Hasta la fecha, el so senciellu más esitosu ye «How Do I Deal», qu'algamó en 1999 el puestu 59 nes llistes d'ésitos musicales d'Estaos Xuníos, y la octava posición n'Australia. Amás, participó tamién na promoción de proyeutos d'actores.^[4]

La so apariencia física foi tema d'atención de munchos medios de comunicación a lo llargo de la so carrera. Nomada como la muyer más sexy del mundu en 1999^[5] y la muyer más sexy de la televisión en 2008,^[6] foi gallardoniada munches vegaes poles publicaciones de revistes como Maxim, TV Guide, FHM y munchos llectores d'esos periódicos. En 2007, publicáronse unes semeyes paparazzi d'ella nuna sablera, nes cualos taba pasada de pesu, darréu quexóse poles crítiques que-y fixeron, siendo sofitada por otres celebridaes y dándo-y a la revista People cobertoria informativa.^[7]

Amás, protagonizó munches películes y delles series de televisión.^[8] Hasta mayu de 2010 trabayó na serie de televisión de la CBS Ghost Whisperer como Melinda Gordon, una muyer que puede ver pantasmes y ayúdalos a iguar los sos problemes pasaos. Tamién protagonizó la serie de televisión The Client List. N'anguaño va protagonizar la serie Criminal Minds como Kate Callahan, una axente especial.

1. ↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
2. ↑ Identificador CONOR.SI: 14782307. Afirmao en: CONOR.SI.
3. ↑ "Jennifer Love Hewitt on MSN music" Archiváu 2011-04-06 en Wayback Machine. music.msn.com. Retrieved on October 2, 2008
4. ↑ Jennifer Love Hewitt. variety.com. Retrieved on October 2, 2008
5. ↑ 'Maxim' magacín. amazon.com. November 1999. Retrieved on October 2, 2008
6. ↑ "TV's Sexiest Stars". tvguide.com. May 3, 2008. Retrieved on October 2, 2008
7. ↑ "Celeb's Cheer Jennifer Love Hewitt's Views On Weight". people.com. December 6, 2007. Retrieved on October 2, 2008
8. ↑ "Jennifer Love Hewitt Credits". tvguide.com. Retrieved on October 2, 2008