Johannes Vermeer

Johannes Vermeer
Vida
Nacimientu	Delft[1], ochobre de 1632[2]
Nacionalidá	Provincies Xuníes de los Países Baxos
Residencia	Delft
Muerte	Delft[3], 15 d'avientu de 1675[2] (43 años)
Sepultura	Oude Kerk (en)
Familia
Padre	Reijnier Janszoon Vermeer
Madre	Digna Baltus
Casáu con	Catharina Bolenes
Estudios
Llingües falaes	neerlandés[4]
Oficiu	pintor, coleicionista d'arte
Llugares de trabayu	Delft
Trabayos destacaos	Diana y sus compañeras (es) El geógrafo (es) La alcahueta (es) La lechera (es) Cristo en casa de Marta y María (es) El astrónomo (es) Muchacha dormida (es) La moza de la perlla Vista de Delft (es)
Influyencies	Carel Fabritius, Gabriël Metsu (es) , Dirck van Baburen y Leonaert Bramer (es)
Movimientu	Pintura del Sieglu d'oru neerlandés[5] pintura del Barroco (es) [5]
Xéneru artísticu	pintura de xéneru semeya
Creencies
Relixón	calvinismu catolicismu

Johannes Vermeer van Delft (/joˈɦɑnəs vərˈmeːr vɑn dɛlft/; ochobre de 1632, Delft – 15 d'avientu de 1675, Delft), llamáu polos sos contemporáneos Joannis ver Meer o Joannis van der Meer ya inclusive Jan ver Meer, ye unu de los pintores neerlandeses más reconocíos del arte Barrocu. Vivió mientres la llamada Edá d'Oru neerlandés, na cual les Provincies Xuníes de los Países Baxos esperimentaron un estraordinariu florecimientu políticu, económicu y cultural.

La obra completa de Vermeer ye bien amenorgada, solamente conócense 33 a 35 cuadros.^[6] Esto pudo debese a que pintaba pa mecenes, por encargu, más que pal mercáu d'arte.^[7]

Pintó otres obres, güei perdíes, de les que se tien conocencia por antigües actes de puyes. Les sos primeres obres fueron de tipu pintura d'historia históricu, pero algamó la fama gracies a la so pintura costumista, munches vegaes considerada de xéneru, que forma la mayoría de la so producción. Los sos cuadros más conocíos son Vista de Delft y La moza de la perlla. En vida foi un pintor d'ésitu moderáu. Nun tuvo una vida desafogada, quiciabes debíu al escasu númberu de pintures que producía, y a la so muerte dexó deldes a la so esposa y once fíos.

Práuticamente escaecíu mientres dos sieglos, a partir de mediaos del sieglu XIX, la pintura de Vermeer tuvo una amplia reconocencia. Théophile Thoré contribuyó a la consagración de Vermeer con unos artículos periodísticos bien emponderadores. Anguaño ta consideráu unu de los más grandes pintores de los Países Baxos. Ye particularmente reconocíu pola so maestría nel usu y tratamientu de la lluz.

1. ↑ URL de la referencia: http://www.telegraph.co.uk/culture/art/3648562/Drawn-into-the-darkest-corners.html.
2. ↑ ^{2,0 2,1} Afirmao en: Biografisch Portaal. Identificador BPN: 41717663. Títulu: Jan Vermeer.
3. ↑ URL de la referencia: http://muse.jhu.edu/journals/utq/summary/v079/79.1.purtle.html.
4. ↑ Afirmao en: idRef. Identificador de referencia de idRef SUDOC: 027336336. Data de consulta: 22 mayu 2020. Editorial: Agencia Bibliográfica de Enseñanza Superior. Llingua de la obra o nome: francés.
5. ↑ ^{5,0 5,1} URL de la referencia: https://www.nga.gov/research/in-depth/themes-ideas-dutch-genre-painting.html.
6. ↑ Blankert, Catálogu, p.171-201
7. ↑ Schneider, Norbert (2010). Vermeer. La obra completa. Taschen. ISBN 978-3-8365-1375-3.