Laura Gemser

Laura Gemser
Vida
Nacimientu	Surabaya, 5 d'ochobre de 1950[1] (74 años)
Nacionalidá	Reinu de los Países Baxos Italia
Residencia	Roma
Familia
Casada con	Gabriele Tinti (1976 – 1991)
Estudios
Llingües falaes	italianu neerlandés indonesiu inglés
Oficiu	modelu, diseñadora de vestuariu, actriz de cine, cantante, diseñadora de moda, modelu erótica, actriz pornográfica, fotomodelu, actriz
Altor	170 cm
Llugares de trabayu	Utrecht y Italia
IMDb	nm0002098
cultsirens.com…

Laurette Marcia Gemser (5 d'ochobre de 1950, Surabaya), conocida artísticamente como Moira Chen, Laura M. Gemser, Laurette Marcia Gemser o, sobremanera, Laura Gemser, ye una actriz erótica, modelu y diseñadora neerlandesa retirada, considerada como ún de los grandes símbolos sexuales de los años 70.

Dientro de la so estensa filmografía (más de cincuenta películes), destaca la serie Emanuelle negra^[2][3], na qu'encarna'l personaxe de la sensual fotógrafa freelance estauxunidense Mae Jordan (conocida polos sos llectores como Emanuelle), que viaxa per tol mundu buscando los meyores reportaxes, lo que dexa a los sos realizadores l'insertamientu d'una llarga serie de desnudos y práctiques sexuales, tanto con homes como con muyeres, ente les que s'inclúin cunnilingus, felaciones o masturbaciones, toes elles rodaes metanes exóticos espacios naturales.

Al respeutive de lo primero, esto ye, sobro'l fechu de tener que permanecer ensin ropa dalguna mientres gran parte de los rodaxes, en ciertu momentu declaró na revista Nocturno:

"Les primeres vegaes que tuvi que desvistime énte la cámara, foron un pocu traumatizantes, pero dempués avecéme. Naturalmente, nel plató mirábente toos colos güeyos tresmandaos y la llingua fora, asollando como un perru, […] ye un pocu embarazoso, pero si lo tomes como un trabayu, tou va bien. Tu pienses: tengo que faelo, páguenme. Amás, honestamente, creo que tampoco rodé películes especialmente escabroses…"

  Tocantes a les conocíes como «escenes de cama», hai de solliñar que foron siempres doblaes por otra actriz.

1. ↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
2. ↑ Drew, 2013, p. 116.
3. ↑ Clive, 2015.