Live Earth

Live Earth ye'l nome d'una serie de conciertos de beneficencia de pop y rock presentando a dellos artistes, que tuvo llugar el sábadu 7 de xunetu de 2007 pa dar causa al calentamientu global.^[1] Los conciertos tuvieron la intención de xuntar a más de 150 de los artistes musicales más populares del mundu y atraer a una audiencia mundial de dos mil millones de persones, faciéndolo unu de los eventos globales más grandes de la hestoria.

La organización paragües del eventu ye'l nuevu movimientu global sol nome de Save Our Selves (SOS), fundada por Kevin Wall, ya inclúi como principales acomuñaos, al ex Vicepresidente de los Estaos Xuníos Al Gore, la organización Alliance for Climate Protection, MSN y Control Room, una compañía productora de conciertos que dirixe'l Live Earth. Amás, cuntaron con un ampliu sofitu propagandísticu de parte de MTV. El so logo/marca rexistrada ye SOS escritu en códigu Morse. A diferencia de los eventos musicales múltiples similares como'l Live 8, que yera gratuitu, el Live Earth cobró pola entrada, pero l'eventu foi tresmitíu vía televisión ya internet.

1. ↑ Live Earth Aims to Cause Lasting Change. Washington Post. 2007-07-02. http://www.washingtonpost.com/wp-dyn/content/article/2007/07/02/AR2007070201007.html?nav=rss_artsandliving/entertainmentnews. Consultáu'l 5 de xunetu de 2007.