 Lleiguarda | |
|---|---|
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Miranda |
| Partíu xudicial | Grau |
| Tipu d'entidá | parroquia d'Asturies |
| Nome oficial | Lleiguarda (ast) |
| Xeografía | |
| Coordenaes | 43°19′49″N 6°13′34″W / 43.33034°N 6.22609°O |
  Lleiguarda Lleiguarda (Asturies) | |
| Altitú | 407 m[1] |
| Llenda con | Miera, Castañéu, Samartín de Llodón, Balmonte y Bixega |
| Demografía | |
| Población | 126 hab. (2020) |
| Porcentaxe | 9.04% de Miranda |
| Más información | |
| Estaya horaria | UTC+01:00 |
 | |
Lleiguarda[2] ye una parroquia del conceyu asturianu de Miranda.
Llégase pela AS-15 y ta a unos 10 km de Balmonte, anguaño la capital del conceyu y a 45 d'Uviéu.
Formen parte la so parroquia los llugares y aldees d'Antuñana, Beyu, La Forniella, Lleiguarda, Menes, Modreiros, Pandu, Silviella y La Viña. La parroquia allúgase nes faldes del Picu Couríu y ta bañada na parte baxa pol ríu Pigüeña. La población ye de 148 habitantes (INE 2011). La Iguarda foi l'antigua y tradicional capital del conceyu Miranda, pa baxar a Silviella a finales del sieglu XVIII, que lo foi hasta mediaos del sieglu XIX en que treslládase a Balmonte. La Ilesia dedicada a Samartín tien vestixos románicos y foi reformada nel sieglu XVII.
Otros llugares d'interés son les casones palaciu de La Iguarda y del pueblu medieval de Beyu. Tamién pue visitáse l'altu la Brueba; Dende esti llugar pue vese todavía güei la canal qu'en tiempos de los romanos llevaba l'agua dende les faldes de Couríu a la mina d'oru en Bixega y Bueinás. Cerca La Iguarda hai documentáu un castru y una fonte llamada de "Las Xanas", concretamente pel antiguu camín que la comunicaba pela lladera'l monte Couriu con Ouviñana y Castañéu de Miranda.
- ↑ Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.
- ↑ «Espediente colos topónimos oficiales de Miranda». BOPA.