Lliga ACB 2011-12

Lliga ACB 2011-12
Xeneral
Deporte	baloncestu
Estáu	España
Temporada	temporada 2011-2012
Data de principiu	8 d'ochobre de 2011
Data de fin	16 de xunu de 2012
Organizador	Lliga ACB
Ganador	Futbol Club Barcelona
Estadístiques
Participantes	18
Cronoloxía
Lliga ACB 2010-11 Lliga ACB 2011-12 Lliga ACB 2012-13

La temporada 2011/12 de la Lliga ACB, o Lliga Endesa, empecipióse'l 8 d'ochobre de 2011 y remató el 16 de xunu de 2012 cola victoria del Regal FC Barcelona ante'l Real Madrid CF nel quintu partíu de la final.

L'UCAM Murcia y el Blu:sens Monbus Obradoiro CAB llograron l'ascensu de la Lliga LEB Oru y ocuparon el llugar de los baxaos CB Granada y Menorca Bàsquet.

Na primer xornada de la competición aplazóse l'alcuentru ente CAI Zaragoza y el Blancos de Rueda Valladolid por una decisión extradeportiva, una y bones un Xulgáu Mercantil de Valladolid solicitó a la ACB l'aplazamientu del partíu poles diferencies esistentes ente'l club vallisoletano y la FIBA. La FIBA nun tramitó los transfers internacionales que son un requisitu indispensable pa dexar l'alliniación de determinaos xugadores del CB Valladolid, la razón ye l'impagu de salarios a xugadores en temporaes anteriores.^[1]

A la fin de la temporada'l Asefa Estudiantes perdiera la categoría per primer vegada na so hestoria, pero'l Iberostar Canarias, campeón de la Lliga LEB, nun pudo xubir a la Lliga ACB al nun faer efectivos los pagos. El Menorca Bàsquet, vencedor del playoff d'ascensu, tampoco pudo consiguir los recursos económicos necesarios polo qu'arrenunció a formar parte de la Lliga ACB 2012/13. Polo tanto Asefa Estudiantes y Blancos de Rueda Valladolid caltuvieron la categoría a pesar d'habela perdíu nes pistes.

1. ↑ «Aplazáu'l CAI Zaragoza - Blancos de Rueda Valladolid». Archiváu dende l'orixinal, el 2016-03-03.