Maridaje

El maridaje ente'l vinu y la comida ye'l procesu de casar metafóricamente a un alimentu con un vinu col enfotu de realzar el prestar de comelos.

En munches cultures el vinu foi consideráu un alimentu básico na mesa, y de dalguna manera tantu la producción como les tradiciones culinaries d'una rexón evolucionaron conxuntamente a lo llargo de los años. Más que siguir una serie de normes, les tradiciones culinaries paisanes a cencielles combinábense colos vinos de la zona. Asina, l'arte de combinar los alimentos ye un fenómenu relativamente nuevu y modernu que mueve a la industria editorial y a los medios de comunicación por aciu publicaciones sobre'l maridaje del vinu y la comida.

Nel ámbitu de la restauración, el sumiller de normal ye l'encargáu d'encamentar les combinaciones de comida y vinu a los comensales. El conceutu principal tres el maridaje mora en que ciertos elementos que s'atopen nos alimentos y nel vinu, como la testura y el sabor, reaccionen de manera distinta al entemecese; y atopar la combinación fayadiza d'éstos va faer del comer una esperiencia más placentera pal cielu la boca. La máxima del maridaje ye crear sensaciones nueves, tantu na degustación del vinu como de la comida cola que lo acompañamos.

La pallabra maridaje ye polémica en sí, una y bones munchos ven con cierta rocea, la semeyanza ente'l matrimoniu y esta pallabra.[cita ^{[ensin referencies]} Otros espertos, críticos y aficionaos prefieren los términos "harmonía" o "acorde".^{[ensin referencies]}