Medicine show

Un medicine show yera un espectáculu de vodevil propiu de les zones rurales del sur y oeste d'Estaos Xuníos, avezáu mientres el sieglu XIX y empiezos del XX, realizáu con escasos medios téunicos y económicos, y que s'ufiertaba dende una carreta con toldu, a manera d'escenariu.

Conjuntaba nun solu espectáculu númberos risibles (payasos) y musicales, qu'acompañaben a un charrán coles mires de vender mestranzues o otros productos presuntamente melecinales. Fueron una verdadera escuela pa un gran númberu de músicos de blues y hillbilly, antes de la Segunda Guerra Mundial (1939-1945).