Megaupload

Megaupload
"notorious market" website (en) , empresa punto com (es) y servicio de alojamiento de archivos (es)
Llocalización
Sede	Ḥong Kong
Forma xurídica	Sociedá mercantil
Historia
Caso Megaupload (es) [[File:Noun Project label icon 1116097 cc mirror.svg
Disolución	19 xineru 2012
Fundador	Kim Dotcom
Organigrama
Dueñu	Kim Dotcom
Web oficial

Megaupload foi un sitiu web de serviciu d'agospiamientu d'archivos, fundáu'l 21 de marzu de 2005 por Megaupload Limited en Ḥong Kong, China. El 19 de xineru de 2012 foi desmanteláu pol FBI nuna operación policial, violando la soberanía nacional china, alegando supuesta infracción de derechos d'autor.^[1]

El dominiu megaupload.com atraxo a lo menos diez millones de visites en 2008 acordies con un estudiu de Pertenez.com.^[2] El serviciu básicu atopábase disponible de forma gratuita y dexaba a los usuarios xubir archivos d'hasta 2 GB. L'usuariu llibre nun podía descargar archivos de más de 1 GB, sicasí l'usuariu rexistráu podía descargar 100 GB d'archivos almacenaos.

Cualquier archivu xubíu por anónimos expiraba si nun había descargues en más de 21 díes (los xubíos por usuarios gratuitos, 90 díes, y los xubíos por Premium, nunca). Nun primer momentu, los usuarios teníen de rellenar un testu basáu en captcha al descargar un archivu, más tarde esanicióse este. Hasta fecha recién, los usuarios ensin rexistrar teníen d'esperar unos 45 segundos na cola de la descarga, ente que los usuarios con un rexistru gratuitu teníen qu'esperar 25 segundos; más tarde, dempués d'una remodelación na páxina de descargues, esanicióse la llende de tiempu. Dambos teníen d'esperar una cierta cantidá de tiempu ente les tresferencies dempués de qu'una cierta cantidá de megabytes descargárase dende los servidores de Megaupload. Por aciu pagu podía llograse una cuenta Premium, que daba una amplia gama de privilexos, tales como nun esperar nenguna cola d'archivos, realizar más d'una descarga de forma simultánea, usar el programa Mega Manager na so totalidá (ensin restricciones), xubir archivos protexíos con contraseña, un espaciu online ilimitáu pa xubir los sos archivos y nun tener restricciones de nengún tipu al xubir archivos, ente otres.^[3]

Megaupload tenía Megavideo, un sitiu de videu streaming p'agospiar archivos de videu, similar a YouTube, anque más especializáu en videos llargos, como películes y series, y Megaporn, otru sitiu de videu streaming pero con temática pornográfica.

El 9 de xunetu del 2016, el so creador Kim Dotcom informó que'l sitiu volvería'l 20 de xineru de 2017. Anque por problemes téunicos y fiscales, Dotcom, viose obligáu a suspender el rellanzamientu de la páxina.

Kim Dotcom tamién anunció que ta trabayando nuna rede que pretende'l magnate, sía la socesora d'Internet. Llamada MegaNet, Que nun se basará n'intercambiu de paquetes por IP, sinón que va utilizar principalmente la telefonía móvil como principal métodu de soporte de la MegaNet. Anque esisten duldes al respeutu sobre cómo va soportar la rede móvil tal pesu. Más sicasí, créese que cola evolución de la teunoloxía nos dispositivos móviles, esto sía posible.

1. ↑ Red Users (19 de xineru de 2012). «Últimu momentu: Cierra Megaupload». Consultáu'l 19 de xineru de 2012.
2. ↑ «Megaupload attracts 10m visitors online yearly». Archiváu dende l'orixinal, el 2010-06-30.
3. ↑ [1]