Mercury 13

Mercury 13
grupo de investigación (es)

Mercury 13 foi un programa secretu, y con fondos privaos, creáu por William Randolph "Randy" Lovelace II pa llevar al espaciu a la primer muyer astronauta. Escoyer a 13 muyeres pioneres nel campu de l'aviación por que se sometieren a les mesmes pruebes físiques y psicolóxiques a les que se sometieren a los homes del programa Mercury 7. Randy Lovelace quería demostrar con estos tests que les muyeres tamién podíen soportalos y, a última hora, convertise n'astronautes al igual que los homes.

Les participantes non yá pasaron les pruebes sinón que, en dellos casos, superaron les marques rexistraes polos homes. Pero nun foi abondu pa la NASA, qu'albortó'l programa y nun creyó que la muyer mereciera dir al espaciu. Tampoco recibieron el sofitu de los astronautes referentes de la dómina, que, amás de la poca valoración de les capacidaes de la muyer, creíen que si esta llegara al espaciu ellos dexaríen d'atropar el cien per cien del protagonismu del so sector. Pero l'albuertu del programa, y tolos esfuercios llevaos a cabu nun fueron en devanéu, pos el desempeñu y la capacidá amosada por estes muyeres abrió los güeyos a gran parte de la sociedá y armó de valor a les muyeres que finalmente si conquistaríen l'espaciu.