Molothrus ater

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu.

Molothrus ater
Estáu de caltenimientu
Esmolición menor (IUCN 3.1)
Clasificación científica
Reinu:	Animalia
Filu:	Chordata
Clas:	Aves
Orde:	Passeriformes
Familia:	Icteridae
Xéneru:	Molothrus
Especie:	M. ater (Boddaert, 1783)[1][2]
Distribución
Subespecies
M. a. artemisiae M. a. ater M. a. obscurus[2][3][4][5]
Consultes
[editar datos en Wikidata]

Molothrus ater^[6] ye una ave de vezos parcialmente migratorios perteneciente a la familia de los ictéridos, dientro del orde de los paseriformes.^[7] Habita en rexones de clima templáu y subtropical d'América del Norte. Ye sedentariu nes rexones australes del so área de distribución; les aves del norte, sicasí, migren al sur de los Estaos Xuníos y a Méxicu en iviernu y tornen al so hábitat de branu en marzu o abril.^[8] Trátase d'una especie abondosa y llargamente distribuyida, de comportamientu gregariu,^[9] que s'alimenta fundamentalmente de granes y artrópodos.^[10]

Exhibe un marcáu dimorfismu sexual,^[11] y ye conocíu por ser el parásitu de puesta más común d'América del norte, depositando los sos güevos en niales de más de 220 especies d'aves, amenorgando l'ésitu reproductivu y amenaciando la sobrevivencia de delles d'elles.^[9] A pesar de compartir esta particular estratexa reproductiva con munches especies de cucos, nun ta emparentáu con ellos, sinón que se trata d'un casu de converxencia evolutiva.

Enantes del asentamientu européu, el tordu cabecicafé siguía les menaes de bisontes (Bison bison) al traviés de les Grandes Llanures,^[5] y quiciabes tamién al antílope americanu (Antilocapra americana) y al uapití (Cervus canadensis).^[12] El parasitismu de puesta complementaba esti estilu de vida nómade.^[13] El so númberu creció cola creación de nuevos hábitats abiertos per parte de los colonizadores. Invadió los estaos a veres de los Grandes Llagos y el nordeste d'Estaos Xuníos mientres el sieglu XIX.^[1] Tamién se tremó escontra l'oeste, llegando a California.^[1] Na actualidá, ye posible velos alimentándose en comederos p'aves n'árees suburbanes.

1. ↑ ^{1,0 1,1 1,2} «issg Database: Ecology of Molothrus ater» (inglés). Consultáu'l 12 de xineru de 2011.
2. ↑ ^{2,0 2,1} «ITIS Standard Report Page: Molothrus ater» (inglés). Consultáu'l 13 de xineru de 2011.
3. ↑ Sullivan, Janet (1995). «Index of Species Information: Molothrus ater» (inglés). Departamentu d'Agricultura de los Estaos Xuníos, Serviciu Forestal, Rocky Mountain Research Station, Fire Sciences Laboratory. Consultáu'l 14 de xineru de 2011.
4. ↑ American Ornithologists' Union (1983). Checklist of North American birds, Sesta (n'inglés), Lawrence (Kansas): Allen Press.
5. ↑ ^{5,0 5,1} Lowther, Peter E. (1993). escritu n'Ithaca (Nueva York). «Brown-headed Cowbird (Molothrus ater)» (n'inglés). The Birds of North America (Cornell Lab of Ornithology) (47). http://bna.birds.cornell.edu/bna/species/047/articles/introduction. Consultáu'l 22 de marzu de 2011. 
6. ↑ «Molothrus ater - Avibase». Consultáu'l 13 de xineru de 2011.
7. ↑ Bologna, Gianfranco (1981). Guíes de la naturaleza: Aves. Barcelona: Grijalbo. ISBN 84-253-3362-8.
8. ↑ Henninger, W. F. (1906). «A preliminary list of the birds of Seneca County, Ohio» (n'inglés). Wilson Bulletin 18 (2):  páxs. 47-60. Archivado del original el 2011-06-06. https://web.archive.org/web/20110606161920/http://elibrary.unm.edu/sora/Wilson/v018n02/p0047-p0060.pdf. Consultáu'l 2015-06-23. 
9. ↑ ^{9,0 9,1} Error de cita: La etiqueta <ref> nun ye válida; nun se conseñó testu pa les referencies nomaes cornell
10. ↑ Roof, Jennifer (1999). «Animal Diversity Web: Molothrus ater, brown-headed cowbird» (inglés). Consultáu'l 11 de xineru de 2011.
11. ↑ Error de cita: La etiqueta <ref> nun ye válida; nun se conseñó testu pa les referencies nomaes ine
12. ↑ Robinson, Scott K. (1993). escritu en Fort Collins (Colorado). «Management implications of cowbird parasitism on neotropical migrant songbirds» (n'inglés). Gen. Tech. Rep. RM-229. (Departamentu d'Agricultura de los Estaos Xuníos, Serviciu Forestal, Rocky Mountain Forest and Range Experiment Station):  p. 93-102. http://www.fs.fed.us/rm/pubs_rm/rm_gtr229/rm_gtr229_093_102.pdf. Consultáu'l 25 de marzu de 2011. 
13. ↑ «Michigan Department of Natural Resources and Environment - Brown-headed Cowbird (Molothrus ater)» (inglés). Consultáu'l 15 de xineru de 2011.