Monte Logan

Monte Logan
Mount Logan (en)
monte
Situación
País	Canadá
Territorio (es)	Yukón
Cordal	Montañas San Elías (es)
Montes	Seven Second Summits (en)
Coordenaes	60°34′02″N 140°24′10″W / 60.5672°N 140.4028°O / 60.5672; -140.4028
Monte Logan Monte Logan (Canadá)
Datos
Altitú	5959 m[1]
Prominencia	5250 m
Materiales	granitu
Fechos importantes
Primer ascensu	23 xunu 1925 - Albert H. MacCarthy, Allen Carpé, William Wasbrough Foster
Orixe del nome	William Edmond Logan[2]

El Monte Logan (inglés: Mount Logan) ye'l monte más altu de Canadá y el segundu más altu de toa América del Norte dempués del monte Denali, n'Alaska. Ta asitiáu nel sector suroccidental del Territoriu del Yukón, nel ámbitu de los montes San Elías, xunto a la frontera col estáu d'Alaska. Foi llamáu asina n'honor de Sir William Edmond Logan, un xeólogu canadianu fundador de la Comisión Xeolóxica de Canadá (CGC). El monte Logan atópase dientro del Parque y Reserva Nacional Kluane^[3] nel suroeste del Yukón. Equí nacen los glaciares d'Hubbard y Logan. Créese que'l monte Logan tien la circunferencia de base más grande de cualesquier monte non volcánicu de la Tierra (un gran númberu de volcanes d'escudu son muncho más grandes en tamañu y masa), formando un macizu que contién once picos percima de los 5.000 msnm.^[4][5]

Debíu al llevantamientu teutónicu, el Monte Logan entá se ta alzando. Antes de 1992, l'altor exactu del Monte Logan desconocíase y envalorábase ente los 5.959 metros y los 6.050 metros. En mayu de 1992, una espedición de la Geological Survey of Canada afitó la midida actual de 5.959 m usando GPS.^[4]

Les temperatures son desaxeradamente fríes. Nel pandu de 5.000 msnm, la temperatura del aire ronda los -45 °C nel iviernu y algama casi baxo cero nel branu, con una temperatura medio pa tol añu d'alredor de -27 °C. El 26 de mayu de 1991 rexistráronse -77,5 °C, la temperatura más frío enxamás rexistrada fora de L'Antártida. Sicasí nun se cunta como la temperatura más baxo de toa Norteamérica, pos foi rexistrada a una altitú bien elevada. Un fundíu mínimu de la nieve lleva a una significativa capa de xelu, algamando casi 300 m en dellos llugares.^[5]

1. ↑ «OpenTopoMap». Consultáu'l 23 xineru 2025.
2. ↑ «Our history» (inglés). Consultáu'l 23 xineru 2025.
3. ↑ «Kluane National Park and Reserve of Canada». Parks Canada. Consultáu'l 1 d'agostu de 2010.
4. ↑ ^{4,0 4,1} «Mount Logan». Geological Survey of Canada. Archiváu dende l'orixinal, el 6 de febreru de 2007. Consultáu'l 12 d'abril de 2007.
5. ↑ ^{5,0 5,1} «Mount Logan: Canadian Titan». Virtual Museum of Canada. Archiváu dende l'orixinal, el 13 de setiembre de 2008. Consultáu'l 18 de setiembre de 2008.