Moya Brennan

Moya Brennan
Vida
Nacimientu	Gweedore, 4 d'agostu de 1952[1] (72 años)
Nacionalidá	República d'Irlanda
Familia
Padre	Leo Brennan
Hermanos/es	Pól Brennan Enya Brídín Brennan Ciarán Brennan (en)
Estudios
Estudios	Royal Irish Academy of Music (en)
Llingües falaes	inglés[2]
Oficiu	cantante, compositora de cantares, arpista (es) , filántropa, compositora, guitarrista, productora musical
Premios	ver Premios Emmy
Miembru de	Clannad
Xéneru artísticu	new age (es)
Mena de voz	contraltu
Instrumentu musical	arpa voz
Discográfica	Bertelsmann Music Group Atlantic Records
IMDb	nm1198998
moyabrennan.com

Máire Philomena Ní Bhraonáin (4 d'agostu de 1952, Gweedore), más conocida como Moya Brennan, ye una cantante irlandesa de música New age y celta, nacida en Gweedore, condáu de Donegal.

Enantes conocida como Máire Brennan, Moya pertenez al clan Brennan, que dio al mundu cantantes como les sos hermanes Enya, Bridin Brennan o los Clannad, onde empezaron Moya y la so hermana Enya.

La carrera musical de Clannad foi bien llonxeva, empezando nel 1972 na tabierna del so padre, xunto a dos de los sos tíos Noel y Padraig Duggan, y los sos hermanos Pol y Ciaran Brennan. Tiempu dempués xunióse Enya, qu'abandono'l grupu a mediaos de los 80. Moya siguió col so grupu percorriendo tol mundu, con un estilu entemez de Folclor, celta y pop, hasta qu'en 1998, col últimu discu publicáu por Clannad, consiguieron el Grammy (col so discu "Landmarks")

Pero Moya empezó la so carrera en solitariu tando inda en Clannad, nel 1992, col so discu Maire, consiguiendo gran ésitu col so single "Against The Wind". Siguió la so carrera en solitariu con "Misty Eyed Adventures" en 1994, "Perfect Time" en 1998, "Whisper To The Wild Water" en 1999.

Yá nel nuevu mileniu, Moya llanza lo que definió como'l so meyor trabayu, "Two Horizons" (2003), un gran amiestu d'estilos, consiguiendo un enorme ésitu y les allabancies de la crítica.

Tiempu dempués, llanza "An Irish Christmas" (2005/2006), un discu de villancicos, gran deséu de Moya, pos ye una muyer bien relixosa.

Anguaño promociona'l so últimu trabayu, "Heart Strings" (2008), y fixo una nueva xira ente payares y avientu de 2008 pa siguir promocionando'l so discu navidiegu, llevándola a distintos escenarios ya ilesies europees. Llueu volverá faer un nuevu proyeutu con Clannad.

Moya collaboró con numberosos artistes, tantu xunto a Clannad como en solitariu, tales como Bono (U2), Delerium, Ronan Keating, Schiller.

1. ↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
2. ↑ Afirmao en: CONOR.SI. Identificador CONOR.SI: 30186595.