 | Pues collaborar con Wikipedia fusionando esti artículu con Columbidae. |
Palomba  | ||
|---|---|---|
| Clasificación científica | ||
| Dominiu: | Eukaryota | |
| Reinu: | Animalia | |
| Filu: | Chordata | |
| Subfilu: | Vertebrata | |
| Clas: | Aves | |
| Orde: | Columbiformes | |
| Familia: | Columbidae | |
| Subfamilies | ||
| Consultes | ||
| [editar datos en Wikidata] | ||
La palomba ye una ave domesticada que vien de la palomba xabaz y tien munches variedaes y castres, estremándose pol tamañu y el color. Cuando ye xoven tien el nome de "pichón".
Quiciás la carauterística más ablucante desti animal ye'l so aldu, que-y permite volver al ñeru dende los sitios más llonxanos. Por esto, el ser humanu, utilizóla pa unviar mensaxes, son les palombes mensaxeres. Anque anguaño esta praútica volvióse un pasatiempu pa dalgunos, la so función foi perimportante na comunicación enantes la invención del teléfonu y el telégrafu.
Esta ave alcuéntrase perbién nel mediu urbanu, polo que ye un problema pa ciudaes como Venecia, ú tuvieron que tomar midíes pola corrosión que provoquen los cagaritos, que deterioren el patrimoniu artísticu ya arquiteutónicu de la ciudá.
La palomba ye tamién un animal con singnificáu simbólicu. Na Biblia, Noé dexó dir una palomba dende'l arca pa intentar alcontrar tierra firme. Amás, nel Nuevu Testamentu, l'Espíritu Santu ye una palomba que se-y apaez a Xesucristu nel momentu bautizáse. Anguaño, la palomba blanca con una rama d'olivar nel picu (popularizáu pola obra de Picasso) ye un símbolu de paz pa dalgunes sociedaes occidentales.