Portland Trail Blazers

Portland Trail Blazers
Situación
Estáu	Estaos Xuníos
Datos
Tipu	club de baloncestu
Fundáu en	1970
Propietariu	Paul Allen
Entrenador	Chauncey Billups
Categoría	National Basketball Association
Instalaciones
Estadiu	Moda Center
Capacidá	19 980, 20 636
Inaugurao	12 och 1995
Dueñu de	Paul Allen
Uniforme
Web oficial

Portland Trail Blazers ye un equipu de baloncestu de la NBA con base en Portland, Oregón. Xuega na División Noroeste de la Conferencia Oeste. Antes de treslladase al Rose Garden en 1995, los Blazers apostaben los sos partíos como locales nel Memorial Coliseum. L'equipu entró na NBA en 1970 y ye la única franquicia profesional en Oregón d'una gran lliga deportiva. Los Blazers esfrutaron amás d'un gran sofitu per parte del públicu; dende 1977 hasta 1995, l'equipu enllenó'l so estadiu mientres 815 partíos en casa consecutivos, siendo la mayor racha na historia del deporte profesional estauxunidense.^[1]

Los Blazers llegaron a les Finales de la NBA en trés causes, ganando'l so únicu campeonatu en 1977 y rematando subcampeones en 1990 y 1992.^[2] Amás, l'equipu clasificóse para playoffs en 25 de les 36 temporaes que lleven na NBA dende la so esistencia, incluyendo una racha de 21 apaiciones consecutives dende 1983 hasta 2003.^[3] Seis xugadores que pertenecen al Basketball Hall of Fame vistieron la camiseta de los Blazers (Lenny Wilkens, Bill Walton, Clyde Drexler, Drazen Petrovic, Arvydas Sabonis y Scottie Pippen)^[4] y cuatro fueron reconocíu pola NBA como unu de los 50 meyores xugadores de la historia de la lliga (Scottie Pippen, Lenny Wilkens, Bill Walton y Clyde Drexler). Walton ye'l xugador más esitosu de la historia de los Blazers, ganando'l MVP de les Finales en 1977 y el MVP de la temporada al añu siguiente.^[5] Geoff Petrie, Sidney Wicks, Brandon Roy y Damian Lillard recibieron el premiu Rookie del Añu col equipu, Mike Schuler y Mike Dunleavy el d'Entrenador del Añu de la NBA Meyor Entrenador del Añu, y Lenny Wilkens y Jack Ramsay fueron incluyíos nel Hall of Fame como entrenadores.

1. ↑ fundinguniverse.com Company History: Portland Trail Blazers, consultáu ochobre de 2008
2. ↑ NBA.com NBA Finals: All Time Champions, consultáu ochobre de 2008
3. ↑ probasketballteams.com Portland Trailblazers: Not so Cheeky after missing the playoffs for first time in 21 years Archiváu 2007-12-17 en Wayback Machine, consultáu ochobre de 2008
4. ↑ sportsnetwork.com National Basketball Association: Portland Trail Blazers, consultáu ochobre de 2008
5. ↑ NBA.com NBA Postseason awards: Most Valuable Player, consultáu ochobre de 2008