Presidente del Gobiernu de les Islles Baleares

Gabriel Cañellas Fons
cargu electu y cargu
xefe de Gobiernu
Titular	Margarita Prohens Rigo dende 6 xunetu 2023
Tratamientu	Mui Honorable
Residencia	Consulado del Mar (Mallorca) (es)
Nomáu por	Parllamentu de les Islles Baleares y Rei d'España
Xurisdicción	Islles Baleares
Institución	Gobiernu de les Islles Baleares
Estáu	España
Duración del cargu	4 años
Creación	10 xunu 1983
Salariu	69 084,68 euros
Suplente	Vicepresidente del gobierno de las Islas Baleares (es)
Llista	llista de presidentes de les Islles Baleares

El presidente del Gobiernu de les Islles Baleares (oficialmente en catalán, president del Govern de les Illes Balears) ye la persona qu'ostenta la xefatura de gobiernu y la máxima representación institucional de les Islles Baleares, una de los diecisiete comunidaes autónomes que formen España. Ye amás, al pie de los sos conseyeros, responsable de la so xestión frente al Parllamentu de les Islles Baleares, al que tendrá de rindir cuentes nes sesiones de control. Adicionalmente, noma los miembros del Gobiernu, y dirixe y coordina la so aición.

Según l'Estatutu d'Autonomía de les Islles Baleares, el presidente ye escoyíu por aciu sufraxu indireutu pol Parllamentu de les Islles Baleares pa un mandatu de cuatro años y nomáu pol Rei. Dichu mandatu puede ser anováu, si gocia del enfotu abondu de la cámara, ilimitaes vegaes. En casu de muerte, destitución, dimisión o arrenunciu d'un presidente, va poder ser sustituyíu pol vicepresidente, el presidente del parllamentu o'l conseyeru de más edá. El so cese va ser tamién publicáu tantu nel Boletín Oficial del Estáu (BOE) como nel Boletín Oficial de les Islles Baleares (BOIB). Recibe amás el títulu vitaliciu de «Molt Honorable Senyor».

Hubo seis persones qu'asumieron el cargu y ocho presidencies, por cuenta de que Jaume Matas y Francesc Antich sirvieron en dos mandatos non consecutivos y cúntase-yos por orde cronolóxicu, como'l terceru y el quintu presidente nel casu de Matos, y como'l cuartu y el sestu presidente nel casu d'Antich. De les persones escoyíes pal cargu, dos dimitieron y dos fueron imputaes en casos de corrupción. El primer presidente foi Gabriel Cañellas, que foi investido en 1983 dempués de les primeres eleiciones autonómiques tres la consecución de l'autonomía balear. Cristofol Soler foi'l que menos tiempu permaneció nel cargu, con tan solo diez meses y diecisiete díes, ente que Gabriel Cañellas, colos sos dolce años, un mes y ventidós díes nel puestu, foi'l que permaneció por más tiempu y l'únicu presidente que sirvió por más de dos lesgislaturas. L'actual presidenta ye la socialista Francina Armengol, que tomó posesión del cargu de Presidenta de les Islles Baleares el 2 de xunetu de 2015.