Renfe Operadora

Renfe Operadora
Operador ferroviariu
Llocalización
País	España
Autonomía	Comunidá de Madrid
Sede	Madrid
Forma xurídica	entidad pública empresarial (es)
Historia
Fundación	1r xineru 2005
Eslogan	Tu tren (es) Zure trena (eu) Votre train (fr)
Organigrama
Dueñu	Ministeriu de Fomentu
Sector
Industria	ferrocarril
Participación empresarial
Filiales	ver Renfe Viajeros Renfe Mercancías (es) Renfe Fabricación y Mantenimiento (es) Renfe Alquiler de Material Ferroviario (es)
Forma parte de	ver Union Internationale des Chemins de Fer International Rail Transport Committee (en) Community of European Railway and Infrastructure Companies
Web oficial

Renfe Operadora, conocida a cencielles como Renfe, ye la principal operadora ferroviaria d'España. Ye la única operadora de viaxeros del sector ferroviariu español pola Rede d'Interés Xeneral», y una de los operadores de mercancíes.

Configúrase como una entidá pública empresarial dependiente del Ministeriu de Fomentu. Ye heredera de l'antigua Rede Nacional de los Ferrocarriles Españoles (RENFE), empresa creada en 1941. Tres la estinción de dicha compañía'l 1 de xineru de 2005, obligada pola Llei del Sector Ferroviariu», l'heriedu de RENFE partir ente dos empreses,^[1] una qu'opera'l material y los servicios ferroviarios llamada «Renfe Operadora», y otra qu'alministra les infraestructures (víes, estaciones, ...) denominada Alministrador d'Infraestructures Ferroviaries (ADIF).

A partir del 1 de xineru de 2013, coincidiendo cola desapaición de Ferrocarriles Españoles de Vía Estrecha (FEVE), tamién asumió la esplotación d'esta sociedá al traviés d'una nueva división comercial denominada Renfe FEVE.

En 2014, el Ministeriu de Fomentu decidió segregar l'actividá de la empresa en cuatro sociedaes anónimes, polo que de magar, el negociu xestiónase indireutamente al traviés de diches sociedaes, siendo Renfe Operadora la propietaria y alministradora de toes elles, que son conocíes conxuntamente como «Grupu Renfe».

La comercialización de los productos enfocaos a viaxeros y dichos servicios son alministraos al traviés de Renfe Viaxeros, el tresporte de mercancíes al traviés de Renfe Mercancíes, la fabricación y caltenimientu del material rodante xestiónase al traviés de Renfe Integria, ente que l'arriendu y la cesión del material propiedá de Renfe Operadora comercialízase al traviés de Renfe Arriendu de Material Ferroviario.

1. ↑ Llei del Sector Ferroviariu