Robert Peary

Robert Peary
Vida
Nacimientu	Cresson (es) [1], 6 de mayu de 1856[2]
Nacionalidá	Estaos Xuníos
Muerte	Washington DC[3], 20 de febreru de 1920[2] (63 años)
Sepultura	Cementeriu Nacional d'Arlington[1]
Familia
Padre	Charles Nutter Peary
Madre	Mary Webster Wiley Peary
Casáu con	Josephine Diebitsch Peary [1]
Fíos/es	Marie Ahnighito Peary[1] Robert Peary Jr.
Estudios
Estudios	Bowdoin College (es) Portland High School (en)
Llingües falaes	inglés[4]
Oficiu	esplorador, oficial, investigador, escritor de ciencia ficción
Premios	ver Medaya Cullum  (1896) [5] Medaya de los Patrones de la Royal Geographical Society  (1898) [6] Medaya Charles P. Daly  (1902) [7] Livingstone Medal  (1903) [8] Medalla Hubbard  (1906) Gran Oficial de la Lexón d'Honor  (1913) [9] Gran Medaya d'Oru de les Esploraciones  (1914) [10]
Miembru de	Phi Beta Kappa (es)
Serviciu militar
Cuerpu militar	Armada d'Estaos Xuníos
Graduación	almirante

Robert Edwin Peary (6 de mayu de 1856, Cresson ^(es)  – 20 de febreru de 1920, Washington DC) foi un esplorador d'Estaos Xuníos qu'alegó ser la primer persona en llegar al Polu Norte, el 6 d'abril de 1909, una reivindicación que-y supunxo grandes honores y prestíu, pero que darréu-y atraxo munches crítiques y discutinios, y güei cuestiónase llargamente.

Pa la so espedición final al Polu Norte partió'l 6 de xunetu de 1908 de la ciudá de Nueva York, xunto con 23 homes, y pasó l'iviernu cerca del cabu Sheridan, na isla de Ellesmere. Dende ellí partieron escontra'l Polu Norte'l 1 de marzu de 1909.

Nel tramu final de la espedición, solu cinco de los sos homes quedaron xunto a él: Matthew Henson, Oatah, Egingwah, Seegloo y Ookeah. Nel so diariu de viaxe, el día 7 d'abril escribió (anque les sos notes fueron depués re-escrites pa la publicación) "¡¡¡A la fin el Polu!!! El premiu de tres sieglos, el mio suañu y ambición mientres 22 años. Mio a la fin..."

L'afirmación de Peary d'haber llegáu al Polu Norte siempres foi puesta en dulda, por cuenta de ciertes razones:

• Namás tornar del Árticu enterar de que Frederick Cook tamién afirmaba haber llegáu al polu l'añu anterior. Yá que la espedición de Cook casi de xuru foi un fraude y nunca algamó nengún llugar cercanu al Polu, a Peary fuéron-y aplicaes dende'l principiu les mesmes incógnites y duldes por cuenta de la falta d'evidencia.
• El grupu qu'acompañó a Peary na etapa final de la travesía nun incluyía a naide que tuviera entrenáu en navegación y pudiera confirmar independientemente el so trabayu d'orientación, lo cual paez abondo desdexosa. Les distancies y velocidaes que Peary afirmó algamar col últimu grupu de sofitu pa tornar son tres veces más rápides que lo que tardó en llegar.
• La cuenta d'un itinerariu ida y vuelta al polu per una ruta direuta —la única forma na que podría viaxar a tal velocidá— ye contradicha polos datos facilitaos por Matthew Henson, que faló de la esviadura pronunciada que realizaron pa evitar inconvenientes. En 1996 fíxose un analís de los rexistros de Peary descubiertos nesi momentu, ya indiquen que tuvo a casi 20 milles náutiques (37 quilómetros) del polu.

Dellos historiadores creen que Peary realmente pensó que llegara al polu. Otros suxirieron que ye culpable d'esaxerar deliberadamente les sos realizaciones. Tamién dalgunos suxirieron que cualquier niciu de que Peary nun llegara al Polu tien de ser el trabayu de conspiradores que taben a favor de Cook, quien quería desacreditarlo. Probablemente'l discutiniu nunca pueda resolvese.

Peary tamién foi l'autor de dellos llibros, los más famosos son Northward over the Great Ice (1898) y Nearest the Pole (1907). La película Glory & Honor, de Kevin Hooks (2000), describe'l so viaxe al Polu.

Nel so llibru Ninety Degrees North, l'historiador polar y escritor Fergus Fleming describe a Peary como «de xuru el más impetuosu, posiblemente'l más esitosu y probablemente el más antipáticu de los homes nos añales de la esploración polar».

1. ↑ ^{1,0 1,1 1,2 1,3} Afirmao en: Find a Grave. Identificador Find a Grave: 799. Data de consulta: 17 xunetu 2020. Llingua de la obra o nome: inglés.
2. ↑ ^{2,0 2,1} Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
3. ↑ Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
4. ↑ Afirmao en: autoridaes BNF. Identificador BnF: 12177409z. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
5. ↑ URL de la referencia: https://americangeo.org/honors/medals-and-awards/cullum-geographical-medal/.
6. ↑ Afirmao en: Gold Medal Recipients. Autor: Royal Geographical Society. Editorial: Royal Geographical Society. Llingua de la obra o nome: inglés. Data d'espublización: 2022.
7. ↑ URL de la referencia: https://americangeo.org/honors/medals-and-awards/charles-p-daly-medal/.
8. ↑ URL de la referencia: https://www.rsgs.org/livingstone-medal.
9. ↑ URL de la referencia: https://www.nytimes.com/1913/06/10/archives/peary-gets-grand-cross-president-poincare-confers-decoration-of.html.
10. ↑ URL de la referencia: https://www.allthingspolar.com/medals.