Back Samuel Beckett Afrikaans Samuel Beckett AN صمويل بيكيت Arabic صمويل بيكيت ARZ চেমুৱেল বেকেট Assamese Samuel Beckett AVK Samuel Beckett Aymara Semyuel Bekket Azerbaijani ساموئل بکت AZB Сэмюэл Беккет Bashkir
.jpg)
Samuel Barclay Beckett /ˈsæmju‿əl ˈbɑːɹkli ˈbɛkɪt/ (13 d'abril de 1906, Foxrock (es) 
– 22 d'avientu de 1989, XIV Distritu de París) foi un dramaturgu, novelista, críticu y poeta irlandés, unu de los más importantes representantes del experimentalismo lliterariu del sieglu XX, dientro del modernismu anglosaxón. Foi igualmente figura clave del llamáu teatru del absurdu y, como tal, unu de los escritores más influyentes del so tiempu.[8] Escribió los sos llibros n'inglés y francés, y foi asistente y discípulu del novelista James Joyce. La so obra más conocida ye'l drama Esperando a Godot.
La obra de Beckett ye fundamentalmente aveseda y tendente al minimalismu y, acordies con ciertes interpretaciones, fondamente pesimista (hasta nihilista[9]) alrodiu de la condición humana. D'esta forma, col tiempu los sos llibros fixéronse progresivamente más crípticos y curtios. El pesimismu de Beckett vien, sicasí, templáu por un particular sentíu del humor, ente negru y sórdido (vease Comentarios sobre l'autor).
Según la so traductora, Antonia Rodríguez-Gago, «Beckett destruyó munches de les convenciones nes que se sofiten la narrativa y el teatru contemporaneu; dedicóse, ente otres coses, a desprestixar la pallabra como mediu d'espresión artística y creó una poética d'imáxenes, tanto escénica como narrativa».[10]
La obra d'esti autor estúdiase principalmente dende'l puntu de vista de la lliteratura y el teatru, pero tamién de la filosofía, el psicoanálisis, la traductología, la música y los medios audiovisuales.[11]
Na Encyclopedia of World Literature in the 20th Century lléese: «Tol trabayu de Beckett retrata la traxicomedia de la condición humana nun mundu ensin Dios, ensin llei y ensin sentíu. L'autenticidá de la so visión, la sobria brillantez del so llinguaxe (en francés ya inglés) influyeron a nuevos escritores de tol mundu».[12]
Samuel Beckett foi gallardoniáu col Premiu Nobel de Lliteratura en 1969 «pola so escritura, que, anovando les formes de la novela y el drama, adquier el so grandor a partir de la indigencia moral del home modernu».[13] En 1961 recibiera coles mesmes el "Premiu Formentor" dau pol Congresu Internacional d'Editores, xunto a Jorge Luis Borges.
- ↑ 1,0 1,1 1,2 1,3 Afirmao en: autoridaes BNF. Identificador BnF: 118908958. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
- ↑ Afirmao en: RKDartists. RKDartists: 485290. Data de consulta: 9 setiembre 2021. Llingua de la obra o nome: neerlandés.
- ↑ Afirmao en: Fichier des personnes décédées mirror. Fichier des personnes décédées ID (matchID): ncZXboIxtJEm. Data de consulta: 7 febreru 2021.
- ↑ Afirmao en: Olympedia. Identificador de atleta en Olympedia: 54245. Títulu: Olympedia – Jim Beckett. Referíu como: Jim Beckett. Data de consulta: 3 ochobre 2023. Llingua de la obra o nome: inglés. Data d'espublización: 2006.
- ↑ URL de la referencia: http://www.iobdb.com/Lortel/Sidewalk.
- ↑ URL de la referencia: http://www.nobelprize.org/nobel_prizes/literature/laureates/1969/. Data de consulta: 12 xineru 2016.
- ↑ 7,0 7,1 7,2 7,3 Afirmao en: nobelprize.org. Identificador de nominación de persona al Premio Nobel: 12321. Editorial: Fundación Nobel. Llingua de la obra o nome: inglés.
- ↑ Rónán McDonald, ed., The Cambridge Introduction to Samuel Beckett, Cambridge University Press, Cambridge, 2007, p. 17, en Google Books
- ↑ Beckett, el mio amigu p. 33 y 107
- ↑ Rodríguez-Gago, en intr. a Los díes felices, p. 12
- ↑ Cfr. Rodríguez-Gago, 11
- ↑ Trad. llibre: Encyclopedia of World Literature in the 20th Century. F. Ungar Publishing Co. New York. 1974. L.C.C.C.N. 67-13615. Vol. 1, p. 111
- ↑ «The Nobel Prize in Literature 1969». Consultáu'l 5 d'abril de 2017.