Secadora

La secadora o secarropas ye un electrodomésticu que s'utiliza pa ensugar ropa dempués de la so llavadura. El so funcionamientu básicu consiste na introducción forzada d'aire caliente nel interior d'un tambor xiratoriu de capacidá variable, dientro del cual va dando vueltes amodo la ropa húmedo. Esti tambor puede ser inoxidable, cincado, esmaltáu, etc. En dellos casos les toberas d'entrada del aire caliente xiren al empar que'l tambor y n'otros son fixes y solo xira la ropa.

Toles secadoras incorporen dalgún tipu de filtru onde se recueyen les peluses de la ropa, según dalgún sistema d'avisu ópticu o acústicu de la saturación de dichu filtru.