Serpiente venenosa

Denomínase culiebra venenosa a aquella culiebra qu'usa cuspia modificada, venenu, apurríu al traviés de los dientes por demás especializaos tales como caniles buecos, pal propósitu d'inmovilización de la presa y autodefensa. En contraste, les especies non venenoses maten por constricción a la so presa, o a cencielles apoderense colos sos quexales.

Les culiebres venenoses inclúin a delles families de culiebres y nun formen un solu grupu taxonómicu. Esto interprétase como que'l venenu nes culiebres anicióse más d'una vegada como resultáu d'una converxencia evolutiva. Apocayá presentáronse evidencies pa la hipótesis de los toxicóforos. Sicasí; si fuera correuta, el venenu tuvo presente (en pequeñes cantidaes) nel ancestru de toles culiebres (como asina tamién de delles families de llagartos) como 'cuspia tóxica' y evolucionó a estremos naquelles families de culiebres de normal clasificaes como venenoses por paralelismu evolutivu. La hipótesis de los toxicóforos amás implica que'l llinaxe de les culiebres 'non venenoses' perdió la capacidá de producir venenu (pero pueden tener entá pseudogenes de venenu persistentes) o realmente si producir venenu en pequeñes cantidaes, probablemente. Dizse de cutiu que, les culiebres venenoses son ponzoñosas, anque esi nun ye'l términu correutu, yá que venenos y ponzoñas son distintos. Les ponzoñas pueden ser absorbíes pol cuerpu, pola piel o l'aparatu dixestivu, ente que'l venenu tener de ser primeru introducíu direutamente nos texíos o'l fluxu sanguíneo per medios mecánicos, poro, ye inofensivu beber venenu de la culiebra mientres nun haya laceraciones dientro de la boca o del tracto dixestivu.^[1]

Munches otres culiebres, tales como boes y pitones pueden nun ser venenoses, pero les sos taragañaes tienen de ser atendíes clínicamente.[cita ^{[ensin referencies]} Los sos dientes pueden ser llargos y duros, capaces de infligir laceraciones, con mordedures que de cutiu, introducen bacteries de la so boca y dientes na firíes.^{[ensin referencies]}

1. ↑ Klauber LM. 1997.