Sharon Tate

Sharon Tate
Vida
Nacimientu	Dallas, 24 de xineru de 1943[1]
Nacionalidá	Estaos Xuníos
Llingua materna	inglés
Muerte	10050 Cielo Drive (es) , 9 d'agostu de 1969[1] (26 años)
Sepultura	Cementeriu de Holy Cross
Causa de la muerte	apuñalamientu
Asesín	Susan Atkins Charles "Tex" Watson (es)
Familia
Madre	Doris Tate
Casada con	Roman Polanski (1968 – 1969)
Fíos/es	Paul Richard Polanski
Estudios
Estudios	Vicenza American High School (en) Irvin High School (en) Richland High School (en)
Llingües falaes	inglés
Oficiu	actriz, modelu
IMDb	nm0001790
sharontate.net

Sharon Marie Tate (24 de xineru de 1943, Dallas – 9 d'agostu de 1969, 10050 Cielo Drive ^(es) ) foi una actriz y modelu d'Estaos Xuníos. Nos años 60 actuó en pequeños papeles televisivos enantes d'apaecer en delles películes. Dempués de dalgunes reseñes positives polos sos papeles risibles, foi aclamada como una de les promeses de Hollywood y nomada a un Globu d'Oru pola so actuación na película de 1967 Valley of the Dolls. Nesta mesma dómina, apaecía con regularidá en revistes de moda, como modelu y moza de portada.

Casóse'l 20 de xineru de 1968 (Londres), col direutor de cine Roman Polanski. Taba embarazada d'ocho meses y mediu, cuando foi brutalmente asesinada, por siguidores de la secta "La Familia" del líder Charles Manson na so casa (al pie de cuatro persones más), la madrugada del 9 d'agostu de 1969.

Una década dempués de la masacre, la madre de Tate, Doris, entamó una campaña pública contra'l sistema de correccionales como respuesta a la creciente condición de cultu que recibíen los asesinos y ante la posibilidá de que salieren en llibertá condicional. La protesta llevó a California, en 1982, a faer arreglos nes sos lleis criminales qu'incluyíen dexar a les víctimes de crímenes y a los sos familiares a declarar nes sentencies y na vista de llibertá condicional. Doris Tate foi la primer persona en faer una declaración d'esti tipu cola nueva llei, cuando faló nuna vista pa decretar la llibertá condicional d'unu de los asesinos de la so fía, Charles Manson. Dempués d'esto dixo que creía que los cambeos na llexislación dieren a la so fía la dignidá qu'antes se-y había arrebatáu, y que dexara "ayudar a tresformar el legáu de Sharon de víctima d'asesinatu a símbolu de los derechos de les víctimes".^[2]

1. ↑ ^{1,0 1,1} Afirmao en: autoridaes BNF. Identificador BnF: 13964302v. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
2. ↑ King, Greg (2000). Sharon Tate and the Manson Murders (n'inglés). Barricade Books. ISBN 1-56980-157-6.