Sociedad Deportiva Compostela

Sociedad Deportiva Compostela
Situación
Estáu	España
Datos
Tipu	club de fútbol
Fundáu en	1r xunetu 1928
Categoría	Segunda Federación
Instalaciones
Estadiu	Estadiu Multiusos de San Lázaro
Capacidá	16 666
Inaugurao	24 xun 1993
Uniforme
Titular Alternativu
Web oficial

La Sociedad Deportiva Compostela ye un club de fútbol español con sede en Santiago de Compostela, La Coruña. Foi fundáu en 1928 pol santiagués Ramón Castromil sol nome de Compostela Foot-ball Club.^[1]

Participa na Tercer División d'España, cuarta categoría del fútbol español, en baxando a ésta na temporada 2015-16. Ta consideráu como unu de los equipos históricos de Galicia por hestoria y tradición,^[2] siendo'l cuartu equipu de la Comunidá n'apostar la Primer División, máxima categoría de la Lliga Nacional de Fútbol Profesional tres el Real Club Celta de Vigo, el Real Club Deportivo de La Coruña y el Pontevedra Club de Fútbol,^{[n 1]} y asitiándose como'l tercer meyor equipu gallegu na clasificación histórica de La Lliga tres deportivistas y vigueses magar apostala un total d'apenes cuatro temporaes.

La historia del club vivió dellos altibaxos dende la so fundación, dende la que llegó a vivir delles desapaiciones y refundaciones, hasta conoce-y -y güei día pol nome de Sociedad Deportiva Compostela, nome históricu del club, que volvió adoptar tres la última refundación nel añu 2006 por cuenta de una estratexa llevada a cabu gracies a la fundación del Campus Stellae per parte d'antiguos directivos y del ex presidente del club José María Caneda.

El club tien una seición femenina oficialmente dende l'añu 2011, y anguaño milita nel Grupu I de la Segunda División, segunda categoría del fútbol femenín d'España.^[3] El club femenín yera enantes conocíu como Pedras de Santiago hasta que por entueyos qu'amenaciaben la so sobrevivencia, foi incorporáu a la disciplina del la «Esedé» de mano del presidente Antonio Quinteiro.^[4] Amás, el club cunta con categoríes inferiores onde formar a nuevos futbolistes pal primer equipu dende la categoría pre redrueyu.

1. ↑ La Futbolteca. «Historia de la Sociedad Deportiva Compostela». Consultáu'l 26 d'avientu de 2012.
2. ↑ Conceyu d'Ames. «Bertamiráns FC recibe al líder de la categoría, la SD Compostela». Archiváu dende l'orixinal, el 2014-09-01. Consultáu'l 27 d'avientu de 2012.
3. ↑ Fútbol Femenino. «Segunda División Femenina Grupu I». Consultáu'l 27 d'avientu de 2012.
4. ↑ Fútbol Femenino. «S. D. Compostela Femenín». Consultáu'l 27 d'avientu de 2012.

Error de cita: Esisten etiquetes <ref> pa un grupu llamáu "n", pero nun s'alcontró la etiqueta <references group="n"/> correspondiente