Teatros del West End

Teatros del West End ye un términu popular que se refier al teatru profesional representáu en grandes escenarios del "Theatreland", del barriu West End, asitiáu nel centru de Londres, Inglaterra.^[2] Xunto con Broadway en Nueva York, suel considerase que'l teatru del West End representa'l máximu nivel del teatru comercial nel mundu de fala inglesa. Coles mesmes, los espectáculos de West End son una actividá turística común en Londres.^[2]

En 2002, l'asistencia total a los teatros del West End superó per primer vegada los 12 millones; y, en xunu de 2005, The Times informó qu'esti récor podría ser superáu en 2005. En 2007, la cantidá total de boletos vendíos superó los 13 millones,^[3] colo cual establecióse una nueva marca pa West End. Ente los factores qu'espliquen les grandes ventes na primer metá de 2005 inclúyense l'estrenu de nuevos musicales esitosos, tales como Billy Elliot, The Producers y Mary Poppins, según la gran cantidá d'estrelles de cine qu'actuaron nellos. Dende fines de los años 1990, hubo una medría nel númberu d'actores de cine d'Estaos Xuníoss nos escenarios londinenses. Asina, en 2005, incluyó la presencia de Brooke Shields, Val Kilmer, Rob Lowe, David Schwimmer y Kevin Spacey.

1. ↑ The Mousetrap London theatre information
2. ↑ ^{2,0 2,1} Christopher Innes, "West End". En: The Cambridge Guide to Theatre (Cambridge: Cambridge University Press, 1998), páxs. 1194–1195. ISBN 0-521-43437-8.
3. ↑ TV talent shows help West End shows to record audience - Telegraph