Back Vedet Catalan Vedette (cabaret) English Vedette Spanish Vedette Basque Meneuse de revue French Vedete Galician Vedete Portuguese
Vedette ye una pallabra d'orixe francés qu'anguaño s'emplega pa designar a l'artista femenina principal d'un espectáculu deriváu del cabaré y los sos distintos xéneros (revista musical, variedaes, Music-hall comparses o Burlesque).[1]
La finalidá de la vedette nel espectáculu de cabaré o centru nocherniegu ye la d'entretener al públicu. La vedette tien que saber cantar, baillar y actuar nun escenariu. Dependiendo de la calidá del so espectáculu, trayeutoria o dominiu d'unu o más talentos escénicos, considérase-y entós una Súper Vedette o Primer Vedette. Xeneralmente una vedette tien que ser una muyer con un físicu o una personalidá y carisma destacaos pa poder captar l'atención del públicu. Amás del cantar, baille y actuación, les vedettes tamién suelen incluyir nos sos shows importantes cuadros de baillarinos, vestuariu llamativu, magos, comediantes, malabaristes ya inclusive animales exóticos. Les vedettes que s'especialicen n'espectáculos de burlesque tamién realicen desnudos y rutines de striptease nel escenariu.
Los espectáculos de les vedettes algamaron enforma ésitu nos cabarés, teatros y centros nocherniegos nel sieglu XX en países como España, Francia, Arxentina y Méxicu. París, Francia, y Las Vegas, nos Estaos Xuníos, son consideraes como'l trubiecu principal de les vedettes.