Back Volkswagen Polo R WRC Afrikaans فولكس فاجن بولو دبليو آر سي Arabic VW Polo R WRC German Volkswagen Polo R WRC English Volkswagen Polo R WRC Spanish Volkswagen Polo R WRC Finnish Volkswagen Polo R WRC French Volkswagen Polo R WRC Hungarian Volkswagen Polo R WRC Italian フォルクスワーゲン・ポロ R WRC Japanese
Plantía:Ficha d'automóvil de competición
El Volkswagen Polo R WRC ye un vehículu de rally basáu nel Volkswagen Polo con homologación World Rally Car. Foi construyíu por Volkswagen pa competir nel Campeonatu Mundial de Rally y foi'l cuartu vehículu de la xeneración de los WRC con motor 1,6 L, basaos nos Super 2000 ya introducíos en 2011, tres el Citroën DS3 WRC, el Ford Fiesta RS WRC y el Mini Cooper WRC. L'automóvil construyóse sobre'l xasis de la quinta xeneración del Polo, comercializáu dende 2009, y tien un motor de 1.6 cc con turbo, tracción a los cuatro ruedes y caxa de cambeos secuencial de seis coles.
Debutó nel Rally de Montecarlu de 2013, añu nel que Volkswagen fixo la so entrada como equipu oficial[1] y apostó un total de 153 ente les temporaes 2013 y 2016 llogrando un total de 43 victories, 87 podios y el títulu de pilotos y marques nos cuatro temporaes. Mientres esi tiempu la marca alemana dispunxo de dos equipos: Volkswagen Motorsport, con Sébastien Ogier y Jari-Matti Latvala y Volkswagen Motorsport II con Andreas Mikkelsen. Col VW Polo R WRC, el francés Ogier consiguió cuatro campeonatos del mundu (2013-2016) y 31 victories; el finés Latvala nueve victories y el noruegu Mikkelsen trés. Tres la salida de Volkswagen de campeonatu del mundu en 2016, el VW Polo R WRC sumió del certame anque la marca anunció primeramente la so intención de siguir desenvolviendo'l Polo de cara a 2017 p'arrendalo a equipos privaos ya inclusive nuna versión na categoría R5.[2]
Mientres 2011 y 2012 la marca realizó diversos test col VW Polo en distintos países y superficies y n'avientu de 2012 fixo la so presentación na ciudá de Mónaco tantu del vehículu como del equipu.
Na Wörthersee 2012 la marca presentó una versión de cai del VW Polo WRC, con dellos guiños estéticos, motor dos llitros de 220 cv y edición llindada que va ser llanzáu al mercáu en 2013.[3]
- ↑ volkswagen-motorsport. «Sebastien Ogier becomes first factory driver at Volkswagendriver» (inglés). Archiváu dende l'orixinal, el 26 de xineru de 2006. Consultáu'l 21 de marzu de 2012.
- ↑ «El Volkswagen Polo R WRC de Schrödinger». www.elespanol.com/ (8 d'avientu de 2016). Consultáu'l 22 de febreru de 2018.
- ↑ Redaición AUTOhebdo SPORT (18 de mayu de 2012). «Un Polo WRC de cai y más novedaes GTI». Consultáu'l 18 de mayu de 2012.