Back يوميات خادمة (رواية) Arabic Le Journal d'une femme de chambre AST Дневникът на една камериерка Bulgarian Diari d'una cambrera Catalan Deník komorné Czech En Kammerpiges Dagbog Danish Tagebuch einer Kammerzofe (Roman) German Xatiray yew xizmetkare DIQ Το ημερολόγιο μιας καμαριέρας Greek The Diary of a Chambermaid (novel) English
|
Pone ke mawakwikya, sanegayane bak 1900 dene Fasquelle piskusik, tir losposaf berpot ke Mirbeau. Taneaf abdisiatos ton skulta koe Écho de Paris fela wali 20/10/1891 is 26/04/1892 awiyir, edje berpotik lidon is suteroton astirbon deoneyer nume voldjumeson kobayar ise va suteks ta karbakorafa sanegara me lasutuwadayar. Toleaf siatos fabdupuyun koe Revue Blanche mudreyfusafa virda ton sanoy driz wali 15/01/1900 is 15/06/1900 zo sanegayar, trabe moi Dreyfus arienta. Mirbeau va taneakaf siatos koeon voneper, ton azafa buxa is epicara va krent, ise va nelkafa tegira bak arienta arrundayar. Bal karbakorafa sanegara, va toloy luz medenon tikis va poneusa mawakwikya tere loplekuyur, nume va berpotafa rofolinuca kaikkonayar, ape enide berpot wetce ilkaden tuwavevaf berpot me di zo pulayar. Berpot koe toktenaf amlit zo kazawayar isen felaf munesteks di zo tiyid mat. Voxen dolena kiewatca tiyir akenafa : 146 000 tulok bak blira ke sutesik zo doleyed. |