Evan Piters

Evan Piters
Doğum tarixi	20 yanvar 1987(1987-01-20) (38 yaş)
Doğum yeri	Sent-Luis, Missuri, ABŞ
Partnyorları	Emma Roberts (2012–2019)[1][2] Holzi (2019–2020)[3]
Fəaliyyəti	televiziya aktyoru, kino aktyoru, model[d]
Fəaliyyət illəri	2004-cü ildən
IMDb	ID1404239
Vikianbarda əlaqəli mediafayllar

Evan Tomas Piters (20 yanvar 1987, Sent-Luis, Missuri) — ABŞ aktyoru. O, aktyorluq debütünü 2004-cü il istehsalı dram filmi "Clipping Adam" ilə etmişdir. 2005–2006-cı illərdə "ABC" televiziyasının "Invasion" teleserialında rol alıb. O, ən çox Rayan Mörfinin yaratmış olduğu "FX"də efirə girən "Amerikan qorxu hekayəsi" teleserialındakı obrazlarına görə tanınır.

O, "HBO"nun 2021-ci ildə istehsal etdiyi cinayət janrında olan "Mare of Easttown" miniserialında detektiv rolunda oynayıb. Belə ki, o, ifasına görə "Praymtaym Emmi"nin "Ən yaxşı ikinci dərəcəli rol" nominasiyası üzrə mükafata layiq görülüb. 2022-ci ildə Rayan Mörfinin yaradıcısı olduğu və Netflix-in rəhbərliyi ilə istehsal olunan "Dahmer – Monster: The Jeffrey Dahmer Story" serialında baş rol ifaçısı olub. Bu serial məşhur amerikalı seriyalı qatil-seksual manyak Cefri Damerin həyatı haqqında çəkilib. Bu serialdakı çıxışı ona 2023-cü ilin yanvarında "Ən yaxşı aktyor" nominasiyasında "Qızıl Qlobus" mükafatı qazandırıb.

Evan həmçinin superqəhrəman filmlərində də rol alıb. 2010-cu ildəki "Payını ver"də kiçik rol oynayıb. 2014–2019-cu illərdə çıxan Marvel-in "İks-adamlar" filmlər silsiləsində Civə (Piter Maksimoff)-ni canlandırıb. 2018-ci ildə "American Animals" filmində üsyankar tələbə rolunda çıxış edib və bu ifasına görə "Ən yaxşı ikinci dərəcəli rol" nominasiyası üzrə "BIFA" mükafatı alıb.

1. ↑ ^{1 2} https://eu.usatoday.com/story/life/entertainthis/2019/03/21/emma-roberts-spotted-garrett-hedlund-following-evan-peters-split/3231647002/.
2. ↑ ^{1 2} https://web.archive.org/web/20140214031213/http://www.nydailynews.com/entertainment/tv-movies/evan-peters-inspired-adult-world-role-emma-roberts-article-1.1613046.
3. ↑ ^{1 2} https://www.distractify.com/p/evan-peters-dating-history.