Filippo Mariya Vizkonti (Milan hersoqu)

Filippo Mariya Vizkonti
it. Filippo Maria Visconti
III Milan hersoqu
16 may 1412 – 13 avqust 1447
Əvvəlki	Jan Mariya Vizkonti
Sonrakı	I Françesko Sforza
Şəxsi məlumatlar
Doğum tarixi	3 sentyabr 1392[1]
Doğum yeri	Milan
Vəfat tarixi	13 avqust 1447[2] (54 yaşında)
Vəfat yeri	Milan, Milan hersoqluğu
Dəfn yeri	Milan kafedralı
Fəaliyyəti	dövlət xadimi
Atası	Jan Qaleazzo Vizkonti
Anası	Katerina Vizkonti (Milan hersoqinası)
Həyat yoldaşları	Beatris di Tenda (Milan hersoqinası)[3], Savoyyalı Mariya (Milan hersoqinası)[4]
Uşağı	Bianka Mariya Vizkonti (Milan hersoqinası)[5]
Dini	katolisizm
Vikianbarda əlaqəli mediafayllar

Filippo Mariya Vizkonti (it. Filippo Maria Visconti; 3 sentyabr 1392^[1], Milan – 13 avqust 1447^[2], Milan) — III Milan hersoqu. Zalımlığı və paranoyaları ilə bilinir.

Atası ilk Milan hersoqu Jan Qaleazzo Vizkonti, anası isə onun həm əmisi qızı, həm də ikinci xanımı olan Katerina Vizkontidir. Atasının vəfatının ardından özündən 4 yaş böyük qardaşı Jan Mariya anasının naibəliyi altında taxta çıxarıldı. Filippo Mariya isə atasının Paviyadakı mülklərinə sahibləndi. Ancaq zalımlığı ilə bilinən qardaşı Jan Mariyanın sui-qəsd nəticəsində öldürülməsiylə taxt-tac Filippo Mariyaya qaldı.

Şimali İtaliyadakı ticarət yollarına nəzarət uğrunda başlayan Lombardiya müharibəsi boyunca (1423–1454) Florensiya, Venesiya, Savoyya kimi mühüm şəhər-dövlətləriylə mübarizə aparan Filippo Mariya, nəhayət Roma papası V Martinin təzyiqi ilə sülh bağlamağa məcbur oldu. Ancaq papanın ölümünün ardından bu sülhü pozaraq yenidən müharibəyə qatıldı. Rəsmi şəkildə 2 dəfə evlənməsinə baxmayaraq bu nikahlardan övladı olmayan Filippo Mariya, Vizkonti sülaləsinə mənsub son Milan hersoqu oldu. Ölümünün ardından hersoqluq respublika sisteminə keçsə də, 3 il sonra onun nikahdan kənar doğulan qızı Bianka Mariyanın əri I Françesko Sforza hersoqluğu bərpa etdi.

1. ↑ ^{1 2} Motta A., autori vari FILIPPO MARIA Visconti, duca di Milano // FILIPPO MARIA Visconti, duca di Milano (it.). Istituto dell'Enciclopedia Italiana, 1932.
2. ↑ ^{1 2} Motta A., autori vari FILIPPO MARIA Visconti, duca di Milano // FILIPPO MARIA Visconti, duca di Milano (it.). // Enciclopedia on line Istituto dell'Enciclopedia Italiana, 1932.
3. ↑ ^{1 2} https://books.google.com/books?id=QIg1AAAAcAAJ&pg=PA590#v=onepage&q&f=false.
4. ↑ ^{1 2} http://www.storiadimilano.it/Arte/miniatori.htm#I%20Bembo.
5. ↑ Rondinini G. S. FILIPPO MARIA Visconti, duca di Milano // Dizionario Biografico degli Italiani (it.). 1997. Vol. 47.