Fullmetal Alchemist

Fullmetal Alchemist
Birinci tankobon cildinin üzlüyü.
鋼の錬金術師 (Haqane no Renkincutsuşi) azərb. Polad əlkimyagər‎
Janr	macəra,[1] qaranlıq fentezi,[2] stimpank[3]
Manqa
Manqaka	Hiromu Arakava
Nəşriyyat	Enix (2001–03) Square Enix (2003–10)
İmprint	Gangam Comics
Jurnal	Monthly Shōnen Gangan
Demoqrafiya	şonen
Nəşr tarixi	12 iyul 2001 – 11 iyun 2010
Cildlər	27 (cild siyahısı)
Ranobe
Yazıçı	Makoto İnoue
Rəssam	Hiromu Arakava
Nəşriyyat	Square Enix
Nəşr tarixi	28 fevral 2003 – 22 aprel 2010
Cildlər	10 (cild siyahısı)
Anime serialları
Fullmetal Alchemist (2003–04) Fullmetal Alchemist: Brotherhood (2009–10)
Anime filmləri
Fullmetal Alchemist: Conqueror of Shamballa (2005) Fullmetal Alchemist: The Sacred Star of Milos (2011)
Canlı filmlər
Polad əlkimyagər (2017) Polad əlkimyagər: Skarın intiqamı (2022) Polad əlkimyagər: Sonuncu transmutasiya (2022)
Anime və manqa portalı

Fullmetal Alchemist (鋼の錬金術師, Haqane no Renkincutsuşi^?, azərb. Polad əlkimyagər‎) — Hiromu Arakava tərəfindən yazılmış və çəkilmiş manqa seriyası. 2001-2010-cu illərdə "Square Enix" nəşriyyatının "Monthly Shōnen Gangan" jurnalında serializasiya olunmuş, daha sonra 27 tankobon cildi buraxılmışdır. Manqa seriyasında hadisələr Avropa sənaye inqilabı üslubunda olan stimpank dünyada baş verir. Əlkimyagər qardaşlar Edvard və Alfons Elrik analarını diriltmək üçün göstərdikləri uğursuz cəhddən sonra bədənlərini bərpa etmək üçün fəlsəfə daşının axtarışına çıxırlar.

"Fullmetal Alchemist" manqası əsasında müxtəlif anime adaptasiyaları çəkilmişdir. "Bones" studiyası tərəfindən 2003 və 2009-cu illərdə iki fərqli anime serialı, 2005 və 2011-ci illərdə iki anime filmi buraxılmışdır. Manqa seriyası əsasında OVA-lar, ranobelər, kolleksiya kart oyunu və oyuncaq fiqurlar hazırlanmışdır. 2017-ci ildə canlı film adaptasiyası və 2022-ci ildə onun iki davam filmi buraxılmışdır.

Manqanın bütün dünyada 80 milyondan çox nüsxəsi satılmış və bütün dünyada ən çox satılan manqa seriyalarından biri olmuşdur. 2004-cü ildə şonen kateqoriyası üzrə 49-cu Shogakukan Manqa Mükafatının, 2011-ci ildə ən yaxşı elmi fantastika komiksi kateqoriyası üzrə Seyun Mükafatının qalibi olmuşdur. "Fullmetal Alchemist" personaj inkişafına, döyüş səhnələrinə, simvolizminə və fəlsəfi mövzularına görə tənqidçilər tərəfindən müsbət rəylər almışdır.

1. ↑ "The Official Website for Fullmetal Alchemist". Viz Media. January 12, 2011 tarixində arxivləşdirilib. İstifadə tarixi: 14 yanvar 2025.
2. ↑ 荒川弘「鋼の錬金術師」の全話が3月31日までの期間限定で、スクウェア・エニックスのマンガアプリ・マンガUP！にて配信されている。. Comic Natalie (yapon). Natasha, Inc. March 14, 2017. July 8, 2020 tarixində arxivləşdirilib. İstifadə tarixi: 14 yanvar 2025.
3. ↑ Sherman, Jennifer. "Da Vinci Magazine Lists 3 Manga Among 2011's Top 10 Books". Anime News Network. December 6, 2011. June 28, 2020 tarixində arxivləşdirilib. İstifadə tarixi: 14 yanvar 2025.