Kim Petras

Kim Petras
alm. Kim Petras‎
Petras 2021-ci ildə
Ümumi məlumatlar
Doğum tarixi	27 avqust 1992 (32 yaş)
Doğum yeri	Köln, Almaniya
Musiqiçi məlumatları
Fəaliyyəti	müğənni bəstəkar
Fəaliyyət illəri	2008–h.h.
Janr	Pop  EDM  dans-pop  elektropop babblqam pop
Albom şirkəti	Bionic Ballroom BunHead Amigo Republic
Üzvlüyü	K/DA
kimpetras.com
Vikianbarda əlaqəli mediafayllar

Kim Petras (27 avqust 1992^[1], Bonn, Şimali Reyn-Vestfaliya) — Los-Ancelesdə fəaliyyətə başlayan alman müğənni, bəstəkar. 2021-ci ildə Amigo və Republic Records ilə müqavilə bağlamazdan əvvəl o, 2016–2020-ci illər arasında sahibi olduğu BunHead Records vasitəsilə müstəqil olaraq mahnılar^[2] buraxmışdır.

Petras musiqi yazmağa yeniyetməlik yaşlarından başlayıb. 2011-ci ildə "One Piece of Tape" adlı debüt minialbomunu yayımlayıb. Müstəqil olaraq 2017-ci ildə "I Don't Want It at All" adlı debüt sinqlını çıxarıb. Onun həmin mahnısı beynəlxalq hitə çevrilib — Spotify və çox sayda musiqi hit-paradlarında birinci pilləyə çatıb.^[3] Kimin Billboard-da hit adını qazanan digər mahnılarına daxildir: "Feeling of Falling" (Cheat Codes ilə), "Heart to Break" və "1, 2, 3 Dayz Up" (Sophie ilə birlikdə).

O, həmçinin "Petras Era 1" adlanan qeyri-rəsmi rəqəmsal sinqllar kolleksiyasını da təqdim edib. 28 iyun 2019-cu ildə "Clarity" adlı debüt studiya albomunu buraxıb.^[4] Albom çıxmazdan əvvəl o, doqquz həftə boyunca tanıtım kampaniyası keçirib. Bu müddət ərzində o, vizual lirik video ilə həftədə bir sinql buraxıb. "Clarity" musiqi tənqidçilərindən bəyənmə qazanıb. Eyni zamanda, Heatseekers Chart-da yeddinci, Müstəqil Albomlar çartpnda isə 26-cı pilləyə çatıb. Petras 2019-cu ilin oktyabr ayında ikinci studiya albomu olan "Turn Off the Light"ı yayımlayıb. 2020-ci ildə Petras "Malibu" və Kygo ilə ikinci əməkdaşlığı olan "Broken Glass" mahnısı ilə daha bircuğur qazandı.

2021-ci ildə Petras Republic Records ilə müqavilə bağlayıb. 2022-ci ildə 7 trekdən ibarət minialbomu olan "Slut Pop"u dərc edib.

1. ↑ Kim Petras // Discogs (ing.). 2000.
2. ↑ Aswad, Jem. "Pop Singer-Songwriter Kim Petras Signs With Republic Records (EXCLUSIVE)". Variety. 26 August 2021. 22 September 2022 tarixində arxivləşdirilib. İstifadə tarixi: 27 August 2021.
3. ↑ "Kim Petras' new single is a bratty banger". 16 January 2018. 22 October 2019 tarixində arxivləşdirilib. İstifadə tarixi: 3 March 2018.
4. ↑ Ahlgrim, Callie. "Kim Petras breaks down the 3-year creation of her new single 'Malibu' and teases her colorful debut album: 'I don't feel heartbroken anymore'". Insider. 24 July 2023 tarixində arxivləşdirilib. İstifadə tarixi: 10 August 2021.