MIM-23 Hawk

MIM-23 Hawk
Ölkə	ABŞ
İstehsal tarixçəsi
İstehsalçı	Raytheon Company
Vikianbarda əlaqəli mediafayllar

MIM-23 Hawk — Raytheon Company şirkəti tərəfindən hazırlanmış olan sistem ən effektiv orta mənzilli hava hücumundan müdafiə sistemlərindən biri hesab olunur.^[1][2][3] Orta mənzilli hava hücumundan müdafiə sistemi olsa da, aşağı hündürlükdə uçan hədəflər üçün uyğunlaşdırılmışdır. Onun tam adı belədir: "Homing All the way to Kill". Standart buraxılış qurğusunda üç ədəd raket daşıyır. Improved (Təkmilləşdirilmiş) - HAWK-ın mühərrik performansı artırılmış və elektron müharibəyə qarşı müdafiəsi maksimum dərəcədə yüksəldilmişdir. Onun maksimum mənzili 35 km, maksimum uçuş hündürlüyü isə 18-km təşkil edir. İsrailin I-HAWK raketi, 1982-ci ildə 21 km hündürlükdə uçan bir MiQ-25 döyüş təyyarəsini vurmağa nail olmuşdur. X diapazonlu radar başlığı ilə idarə olunan I-HAWK raketinin döyüş başlığı 54 kq ağırlığında olub, hissəcik və partlama effektinə malikdir. Bu günə qədər istehsal olunan 36 min ədəd raketdən 11800 ədədi NATO ölkələrinin inventarına daxil edilmişdir.

1. ↑ "MDA News". US Department of Defense Missile Defense Agency. 18 March 2021 tarixində arxivləşdirilib. İstifadə tarixi: 13 March 2021.
2. ↑ Tony Cullen and Christopher F. Foss (Eds), Jane's Land-Based Air Defence Ninth Edition 1996–97, p. 296, Coulsdon: Jane's Information Group, 1996.
3. ↑ "Iran mass produces ground-to-air guided missile". www.payvand.com. 2013-05-24 tarixində arxivləşdirilib. İstifadə tarixi: 2010-11-23.