Back Mike Tyson Afrikaans مايك تايسون Arabic مايك تايسون ARZ مایک تایسون AZB Mike Tyson BCL Майк Тайсан Byelorussian Майк Тайсан BE-X-OLD Майк Тайсън Bulgarian মাইক টাইসন Bengali/Bangla Mike Tyson Catalan

Mayk Tayson

Mayk Tayson
ing. Mike Tyson
Şəxsi məlumatlar
Vətəndaşlığı
Doğum tarixi 30 iyun 1966(1966-06-30)[1][2][…] (58 yaş)
Doğum yeri
Boyu 179 sm
Çəkisi 109 kq
İdman növü boks
Rəsmi saytı
Vikianbarın loqosu Vikianbarda əlaqəli mediafayllar

Maykl Cerard Tayson (ing. Michael Gerard Tyson; 30 iyun 1966[1][2][…], Bruklin, Nyu-York) — 1985–2005-ci illərdə döyüşmüş peşəkar ABŞ boksçusu. 2024-cü ildə yenidən rinqə qayıtmağa hazırlaşır. Mayk Tayson bütün zamanların ən yaxşı ağır çəki dərəcəsində döyüşən boksçularından biri hesab olunur. 1987-ci ildən 1990-cı ilə qədər olan illər ərzində Mayk Tayson eyni vaxtda bütün ağır çəki dərəcələrində boks titullarına sahib olub və bu onu boks dünyasında şəksiz çempion edib. Boks karyerasının başlanğıcında Tayson ilk 19 görüşündə rəqiblərini nokaut edərək qalib gəlmişdi. Bu nokautlardan 12-si matçın ilk raundunda baş vermişdir.

Mayk Tayson ilk çempionluq kəmərini 20 yaşında, tarixdəki hər hansı digər ağır çəkili boksçudan daha gənc yaşda qazanıb.[3] O, eyni vaxtda üç böyük boks təşkilatının (WBA, WBC, IBF) çempionu olan ilk boksçu, və eyni zamanda bu titulları bir-birinin ardınca qazanan yeganə boksçu olub. Tayson 1988-ci ildə döyüşünün ilk raundunda Maykl Spinksi cəmi 91 saniyəyə nokaut edərək ağır çəki dərəcəsində şəksiz çempion titulunu qazanıb.[4] 1990-cı ildə dövrünün ən böyük ağır çəkili boksçularından biri hesab edilən Mayk Tayson maraqla gözlənilən qarşılaşmada Baster Duqlasla üz-üzə gəlib. Tayson matçda açıq-aşkar qalib görünürdü ki, Duqlas onu nokaut edərək təəccüblü şəkildə məğlub edib.[5]

Mayk Tayson 1992-ci ildə cinsi istismarda təqsirli bilinərək 6 il müddətinə azadlıqdan məhrum edilib. O, cəzasının üç ilini çəkdikdən sonra 1995-ci ildə şərti olaraq azadlığa buraxılılıb.[6] Mayk 1996-cı ildə rinqlərə qayıdaraq itirdiyi titullarını geri qaytarmağı bacarıb. Bununla o, Floyd Patterson, Məhəmməd Əli, Tim Uizerspun, Evander Holifild və Corc Foreman ilə birlikdə uduzduqdan sonra ağır çəkidə çempionluq qazanan elit boksçular sırasına düşüb. Ancaq Tayson həmin il keçirilən döyüşlərdə WBC və WBA titullarını yenidən itirir. 1997-ci ildəki revanş matçında Tayson Evander Holifildin qulaqlarını dişləyərək qoparmış və nəticədə döyüşdən diskvalifikasiya edilmişdi. 2002-ci ildə Mayk Tayson Lennoks Lyuislə ağır çəki üzrə dünya çempionu titulu uğrunda döyüşüb. Tayson döyüşdə nokautla məğlub olub.

Mayk Tayson döyüşərkən aqressiv və amansız olması ilə tanınır. O, həm rinqdə, həm də ondan kənarında problemlər yaradır. Mayk qeyd edir ki, bu üslubunu tarixin ən qorxulan döyüşçüsü kimi tanınan Sonni Listondan götürüb.[7][8] Mayk Tayson yüksək nokaut-qələbə faizinə görə boks tarixinin ən yaxşı yumruqçularından biri seçilib. O, qələbələrinin 88%-dən çoxunu rəqiblərini nokauta salmaqla əldə edib.[9] Bu təsirli rekord ona “The Ring” jurnalının bütün zamanların ən böyük yumruqçuları siyahısında 16-cı yeri qazandırdı. “ESPN” onu ağır çəkili boks tarixinin ən bərk vuruşçuları siyahısında birinci yerə layiq görüb.[10] “Sky Sports” onu peşəkar boks rinqinə çıxan ən vəhşi döyüşçü kimi təsvir edir.[11] Mayk öz adını Beynəlxalq Boks Şöhrət Zalına və Ümumdünya Boks Şöhrət Zalına yazdıraraq şərəfləndirib.

  1. ↑ 1 2 Mike Tyson // Internet Broadway Database (ing.). 2000.
  2. ↑ 1 2 Mike Tyson // Encyclopædia Britannica (ing.).
  3. ↑ "At only 20 years of age, Mike Tyson became the youngest heavyweight boxing champion of the world". February 17, 2015 tarixində orijinalından arxivləşdirilib. İstifadə tarixi: March 18, 2016.
  4. ↑ ""Iron" Mike Tyson". Cyber Boxing Zone. February 19, 2010 tarixində arxivləşdirilib. İstifadə tarixi: November 20, 2016.
  5. ↑ Mike Tyson vs Buster Douglas, 1990 (ingilis), May 25, 2021 tarixində arxivləşdirilib, İstifadə tarixi: May 25, 2021
  6. ↑ "Mike Tyson". biography.com. August 10, 2016 tarixində arxivləşdirilib. İstifadə tarixi: August 8, 2016.
  7. ↑ Sonny Liston, The Champion That Nobody Wanted . A&E Biography. July 25, 2001. Event occurs at 12:38. November 2, 2023 tarixində arxivləşdirilib. İstifadə tarixi: November 1, 2023 – Boxing Royalty (YouTube) vasitəsilə. (former boxer Chuck Wepner speaking) Nobody ever hit me like that guy. Every time he hit you, he broke something. I went through ten rounds with him, and broke my nose, my left cheekbone, and gave me 72 stitches. I was an intimidator until I fought Sonny Liston.
  8. ↑ "The Top 12 All-Time Most Intimidating Fighters In Boxing History". The Fight City (ingilis). March 29, 2018. July 18, 2023 tarixində orijinalından arxivləşdirilib. İstifadə tarixi: July 18, 2023.
  9. ↑ "BoxRec: Mike Tyson". boxrec.com. May 21, 2021 tarixində arxivləşdirilib. İstifadə tarixi: June 12, 2021.
  10. ↑ Houston, Graham. "The hardest hitters in heavyweight history". ESPN. Bristol, Connecticut. 2007. May 1, 2009 tarixində arxivləşdirilib. İstifadə tarixi: March 10, 2010.
  11. ↑ "Mike Tyson? Sonny Liston? Who is the scariest boxer ever?". Sky Sports. October 31, 2015 tarixində arxivləşdirilib. İstifadə tarixi: October 31, 2015.
From Wikipedia, the free encyclopedia · View on Wikipedia

Developed by Nelliwinne