PinkPantheress

PinkPantheress
Ümumi məlumatlar
Doğum tarixi	18 aprel 2001(2001-04-18)[1] (23 yaş)
Doğum yeri	Bat, Somerset, Cənub-Qərbi İngiltərə[d], İngiltərə, Birləşmiş Krallıq
Musiqiçi məlumatları
Fəaliyyəti	mahnı yazarı[d], musiqi prodüseri, müğənni, musiqiçi, müğənni-mahnı yazarı
Fəaliyyət illəri	2020-ci ildən
Janrlar	pop musiqisi, bedrum pop[d], rəqs musiqisi[d], alternativ pop[d]
Albom şirkətləri	Parlophone
pantheress.pink
Vikianbarda əlaqəli mediafayllar

PinkPantheress (əsl adı: Viktoriya Beverli Volker; 18 aprel 2001^[1], Bat, Cənub-Qərbi İngiltərə^[d]) — İngiltərə müğənnisi, musiqi prodüseri. Onun mahnıları çox vaxt qısa olur, yığcam və cəlbedici melodiyaları ilə dinləyicilərin diqqətini çəkir. O, 1990 və 2000-ci illərin musiqisindən ilham alaraq, bu dövrlərə aid olan semplləri öz bəstələrinə daxil edir.

PinkPantheress 2021-ci ildə Londonda universitetdə tələbə olarkən öz mahnılarını məşhur sosial media platforması olan TikTok-a yerləşdirməyə başlayıb. Onun paylaşdığı bəzi mahnılar, o cümlədən "Break It Off" mahnısı bu tətbiqdə viral olmuşdur. Mahnının uğuru Parlophone və Elektra Records şirkətlərinin diqqətini çəkib. PinkPantheress hər iki şirkətlə müqavilə bağlamağa razı olub. O, 2021-ci ildə debüt miksteypi olan "To Hell with It"-i çıxarıb. Miksteypdən olan sinqllar "Just for Me" və "Pain" UK Singles Chart çartında ilk 40-lığa daxil olmuş və sonralar Britaniya Fonoqrafiya Sənayesi (BPI) tərəfindən gümüş sertifikat almışdır. Müğənni 2022-ci ildə BBC-nin tərtib etdiyi "2022-ci ilin səsi" sorğusunda qalib gəlmişdir. Həmin il yayımladığı "Boy's a Liar" mahnısı Böyük Britaniyanın musiqi çartlarında ikinci pilləyə çatıb. Sözügedən mahnının ABŞ repçisi Ice Spice-nin iştirak etdiyi remiksi növbəti il 2023-cü ildə ABŞ-də populyarlıq qazanaraq, Billboard Hot 100 çartlarında 3-cü mövqeyə yüksəlib. PinkPantheress-in debüt studiya albomu olan "Heaven Knows" 2023-cü ildə yayımlanıb.

1. ↑ ^{1 2} https://www.okaybliss.com/pinkpantheress-ethnicity/.