Snoop Dogg

Snoop Dogg
Ümumi məlumatlar
Doğum tarixi	20 oktyabr 1971(1971-10-20)[1] (53 yaş)
Uşağı	4
Musiqiçi məlumatları
Fəaliyyət illəri	1991-ci ildən
Albom şirkətləri	Doggy Style Records[d], RCA Inspiration[d], Interscope Records, No Limit Records[d], Priority Records[d], Geffen Records[d], RCA Records
Üzvlüyü	213[d], 7 Days of Funk[d], Tha Eastsidaz[d], QDT[d], Mount Westmore[d]
snoopdogg.com
Vikianbarda əlaqəli mediafayllar

Snoop Dogg (ing. Calvin Cordozar Broadus Jr.; 20 oktyabr 1971^[1], Lonq-Biç, Kaliforniya^[2]) — amerikalı repçi, aktyor. 1992-ci ildə Dr. Dre ilə çoxsaylı əsərlərə imza ataraq məşhurlaşıb. Snoop Dogg ABŞ-də 23 milyondan çox, dünya üzrə isə 35 milyondan çox albom satmağa müvəffəq olmuşdur. O, "Amerika Musiqi" mükafatı və "Praymtaym Emmi" mükafatı laureatıdır. 17 dəfə "Qremmi" mükafatına namizəd olmuşdur.

"Doggystyle" Snoop Dogg-un 1993-cü ildə buraxdığı ilk solo albomu olmuşdur. Albomun prodüserliyini tanınmış prodüser Dr. Dre etmişdir. Death Row Records tərəfindən buraxılan bu albom Snoop Dogg-a böyük uğur qazandırmışdır. Albom ilk həftəsində 800.000 nüsxə satmağa müyəssər olmuşdur. Sonrakı illər RIAA tərəfindən dörd dəfə platin sertifikatı almışdır. Albomdan iki mahnı Billboard Hot 100-də ilk onluğa daxil olmuşdur. "What's My Name?" və "Gin and Juice" trekləri o vaxtlar musiqi dinləyiciləri arasında çox məşhur idi. 1994-cü ildə Snoop Dogg, "Murder Was the Case" adlı qısametrajlı filmdə baş rola çəkilmişdir. O, bu film üçün saundtrek də təqdim etmişdir. Onun ikinci albomu "Tha Doggfather" 1996-cı ildə buraxılmışdır. Bu albom çartlarda bir nömrə idi.

1. ↑ ^{1 2} Snoop Dogg // Encyclopædia Britannica (ing.).
2. ↑ Deutsche Nationalbibliothek Record #122163931 // Ümumi tənzimləmə nəzarəti (GND) (alm.). 2012—2016.