Vikipediya:Bilirsinizmi/iyul 2022

2024: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2025: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

27. Həftə

Vikipediya məqalələrindən

• Gifu və Toyama prefekturalarının sərhədindəki Söqava vadisində yerləşən və 1995-ci ildə UNESCO-nun Dünya Mədəniyyət Mirasları siyahısına daxil edilmiş Şirakava-qo və Qokayama tarixi kəndlərinin (şəkildə) sakinləri XVII əsrdən başlayaraq və sonrakı 250 il ərzində əsasən barıt istehsalı və evlərin damında barama yetişdirilməsi ilə məşğul olub.
• Kəllənin beyin şöbəsinə aid cüt sümüklərdən olan gicgah sümüyü xarici qulaq dəliyini əhatə edən üç hissədən ibarətdir.
• Türkiyənin cənub-şərqində, Örəncik kəndindən 2,5 km, Şanlıurfa şəhərindən 15 km şimal şərqdə yerləşən Göbəklitəpə məbəd kompleksi bu günə qədər mezolit dövrünə aid ən qədim mədəni istehkam sayılır.
• Almaniyanın Bavariya vilayətinin Münhen şəhərində hər il ənənəvi formada keçirilən Oktoberfest pivə festivalında iştirak edən şəxslər üçün dirndl və qamsbart kimi xüsusi geyim formaları mövcuddur.

bax – müzakirə et – redaktə et – tarixçə

28. Həftə

Vikipediya məqalələrindən

• 2014-cü il martın 21-də təqdim olunan Özbəkistan müğənnisi Şahzadənin ifa etdiyi "Qaynona" mahnısının klipində "Qayınana" filmindən fraqmentlər yer alıb.
• "Bürünc altı heykəli"nin (şəkildə) pyedastalı kimi istifadə olunmuş "Şimşək daş" adıyla tanınan nəhəng qaya parçası 1768-ci ildə Fin körfəzindən 6 km (3.7 mil) aralıda yerləşən tarixi Laxta rayonu ərazisində aşkarlanmışdır.
• İkinci dünya müharibəsindən sonra Bakıya səfər edən Şarl de Qoll burada olduğu müddətdə Azərbaycan Dövlət Akademik Opera və Balet Teatrında dahi Azərbaycan bəstəkarı Üzeyir Hacıbəyovun "Koroğlu" operasına da tamaşa etmişdir.
• Quşların bədən temperaturu insanın bədən temperaturundan 7-8 dərəcə çox olur.

bax – müzakirə et – redaktə et – tarixçə

29. Həftə

Vikipediya məqalələrindən

• Praqa yepiskoplarının köhnə iqamətgahı olan Probst evi (şəkildə) hal-hazırda Çexiya Respublikası Prezidentinin Dəftərxana Aparatına məxsusdur.
• 2011-ci ildə Məryəm Keşavarzın rejissorluğu ilə çəkilmiş Şərait (ing. Circumstance) filmi İranda lezbiyanların qarşılaşdıqları problemlərə həsr edilmiş ilk ekran əsəridir.
• Polyak musiqiçi Frederik Şopen Parisin Per-Laşez qəbiristanlığında dəfn olunsa da, ürəyi Varşavada saxlanılır.
• Ağ evdə Milad ağacı bəzədilməsi ənənəsinin əsası 1961-ci ildə Birinci xanım Jaklin Kennedi tərəfindən qoyulmuşdur.
• Bibliyadan ən çox istinad olunan hissə İohann 3:16-dır: "Çünki Allah dünyanı elə sevdi ki, yeganə oğlunu verdi; bunu ona görə etdi ki, ona iman edən hər kəs həlak olmasın, amma əbədi həyata malik olsun."

bax – müzakirə et – redaktə et – tarixçə

30. Həftə

Vikipediya məqalələrindən

• İslandiyanın Şimal Qütb dairəsi xəttini keçən yeganə adası olan Qrimsey adasında köpək və pişik saxlamaq qadağan edilmişdir.
• Yaponiyada qadınlar üçün ilk tibb məktəbini açan Yoşioka Yayoy dərslərin biri üçün tələbərinə öz oğlunu doğma anına canlı baxmağa icazə vermişdi.
• 1788-ci ildə nəşr olunmuş "İngilis aşbazlıq sənəti" kitabında göbələk ketçupu ilə yanaşı, qoz ketçupunun da resepti göstərilmişdi.
• 2020-ci ildə Qubada açılmış Dağ Yəhudiləri Muzeyi (şəkildə) dünyada dağ yəhudilərinə həsr edilmiş ilk və yeganə muzeydir.
• Çinin Hançjou şəhərində yerləşən Milli Çay Muzeyi çaydan formasında tikilmişdir və yaxınlığında fincan formasında bina da yerləşir.

bax – müzakirə et – redaktə et – tarixçə