Vikkers pulemyotu

Vikkers pulemyotu
Tipi	pulemyot
Ölkə	Böyük Britaniya və İrlandiya Birləşmiş Krallığı
İstismar tarixçəsi
İstifadə edilən döyüşlər	Birinci Dünya müharibəsi, İkinci Dünya müharibəsi, Chaco Müharibəsi, Birinci Hindistan-Pakistan müharibəsi, Ərəb-İsrail müharibəsi, Koreya müharibəsi, Rusiyada vətəndaş müharibəsi, Ərəb-İsrail müharibələri
İstehsal tarixçəsi
Konstruksiya tarixi	1912
İstehsalçı	Vikkers
İstehsal illəri	1912-1968
Xüsusiyyətləri
Ağırlığı	33-50 kq
Uzunluğu	1,12 m
Vikianbarda əlaqəli mediafayllar

Vikkers pulemyotu və ya Vikkers silahı — Böyük Britaniya Ordusu üçün Vickers Limited şirkəti tərəfindən istehsal edilmiş olan, 303 düymlük (7,7 mm) mərmilər atan su ilə soyudulan lüləsi olan pulemyotdur. Pulemyot üçün 4–6 nəfərlik bir ekipaj lazım idi. Bunlardan biri atəş açır, digəri döyüş sursatı ilə daşıyır, qalanları isə silah daşınarkən kömək edirdilər.

Silah şöhrətini davamlılığı və etibarlılığı sayəsində qazanmışdır. Ian V. Hogg tərəfindən yazılmış olan Silahlar və Müharibə Maşınları (ing. Weapons & War Machines) kitabında 1916-cı ilin avqust ayında Britaniya Ordusunun Pulemyot Korpusunun 100-cü diviziyasının on ədəd Vikkers pulemyotunun 12 saat müddətində fasiləsiz olaraq atəş açdığı yazılmışdır. Bu müddət ərzində silahlardan bir milyon ədəd güllə atılmış və yüz lülə dəyişdirilmişdir. Eyni zamanda da bu müddət ərzində silahlarda heç bir nasazlıq qeydə alınmamışdır. Silahın atış sürəti dəqiqədə 450–600 mərmi arasında olub, effektiv mənzili 740 m təşkil etmişdir.