XXXTentacion

XXXTentacion
Ümumi məlumatlar
Doğum adı	Jahseh Dwayne Ricardo Onfroy
Ləqəbləri	XXXTentacion, XXX, Triple X, Young Dagger Dick[2], X
Doğum tarixi	23 yanvar 1998(1998-01-23)[1]
Doğum yeri	Planteyşen, Brauard dairəsi, Florida, ABŞ[1]
Vəfat tarixi	18 iyun 2018(2018-06-18)[1] (20 yaşında)
Vəfat yeri	Dirfild-Biç, Brauard dairəsi, Florida, ABŞ[1]
Vəfat səbəbi	güllə yarası[d][1]
Dəfn yeri	Boka-Raton[3]
Uşağı	Gekyume Onfroy[d]
Musiqiçi məlumatları
Fəaliyyəti	repçi, müğənni, mahnı yazarı[d]
Fəaliyyət illəri	2013–2018
Janrlar	hip-hop[d], lou-fay, nyu-metal, trep, pank rok, pank rep[d], Rep-metal, alternativ rok, müasir R&B[d], hardkor hip-hop[d], horrorkor[d], indi-rok, rok
Musiqi alətləri	gitara, piano, baraban
Albom şirkətləri	Bad Vibes Forever[d], Empire Distribution[d], Capitol Music Group[d], Columbia Records
Təhsili	Piper High School
Üzvlüyü	Members Only[d]
Mükafatları
xxxtentacion.com
Vikianbarda əlaqəli mediafayllar

XXXTentacion (əsl adı: Casey Dueyn Rikardo Onfroy; 23 yanvar 1998^[1], Planteyşen, Brauard dairəsi, Florida, ABŞ^[1] – 18 iyun 2018^[1], Dirfild-Biç, Brauard dairəsi, Florida, ABŞ^[1]) — amerikalı repçi, müğənni-mahnı yazarı.^[4] Depressiv və qəmgin mahnılarına görə tanınır. 2015–2018-ci illərdə emo rep və SoundCloud rep janrlarının populyarlaşdırılmasında mühüm rol oynamışdır.^[5]

Florida ştatının Planteyşen şəhərində doğulan X, uşaqlığının əksər hissəsini ştatın digər şəhəri olan Loderhilldə böyüyərək keçirmişdir. O, mahnı yazmağa yetkinlik yaşına çatmayanlar üçün cəzaçəkmə müəssisəndən azadlığa buraxılandan sonra başlamışdı. Karyerasını 2013-cü ildə, emo və qranj musiqisindən ilhamlanaraq yazdığı mahnıları SoundCloud-a yerləşdirərək qurmuşdu. 2014-cü ildə bir neçə başqa sənətçi ilə birlikdə "Members Only" adlı underground musiqi kollektivini yaratmışdı. 2017-ci ildə buraxdığı "Look at Me" adlı sinqlı ilə diqqətləri çəkmişdi. X həmin il debüt studiya albomu olan "17"-ni təqdim etmişdir. Bu albom ABŞ-də üçqat platin sertifikatı almış və Billboard 200 çartında ikinci yerə çatmışdır. 2018-ci ildə "?" adlı ikinci albomunu buraxmışdır. Albomun ilk sinqlı olan "Sad!" Billboard Hot 100-də birinci sırada idi. Bu sinql üstəlik YouTube-da 1,2 milyard baxış, eləcə də Spotify-da 2 milyarda yaxın yayım toplamışdır.

X həyatı boyu bir neçə dəfə hüquqi problemlərlə üzləşib. 2016-cı ildə sevgilisinə şiddət göstərməkdə ittiham olunurdu.^[6][7] O, 18 iyun 2018-ci ildə 20 yaşında olarkən Florida ştatının Dirfild-Biç şəhərində motosiklet mağazasından çıxarkən güllələnərək qətlə yetirilmişdir. Onu öldürən şəxslər içərisində 50 min dollar olan Louis Vuitton markalı çantanı oğurladıqdan sonra avtomobilə minərək hadisə yerindən uzaqlaşmışdılar. Cinayəti törədən şəxslərin dördü sonradan saxlanmış, üçü ömürlük həbs cəzasına məhkum edilmişdir.^{[8][9][10][11]}

1. ↑ ^{1 2 3 4 5 6 7 8 9} https://www.nytimes.com/2018/06/18/arts/music/xxxtentacion-dead.html.
2. ↑ https://www.youtube.com/watch?v=qZkEdPAqOEM.
3. ↑ https://theblast.com/xxxtentacion-private-funeral-featured-police-protection/.
4. ↑ "ATL Jacob believes XXXTentacion "would've been one of the greats"". 2023-12-10 tarixində arxivləşdirilib. İstifadə tarixi: 2024-03-09.
5. ↑ "Juice WRLD, Lil Peep and XXXTentacion are symbols of a scene that trades off tragedy". December 13, 2019. December 29, 2019 tarixində arxivləşdirilib. İstifadə tarixi: March 9, 2024.
6. ↑ "XXXTentacion's domestic abuse trial delayed". The Guardian. September 29, 2017. ISSN 0261-3077. October 11, 2017 tarixində arxivləşdirilib. İstifadə tarixi: October 11, 2017.
7. ↑ "XXXTentacion's Reported Victim Details Grim Pattern of Abuse in Testimony | Pitchfork". pitchfork.com. September 8, 2017. September 9, 2017 tarixində arxivləşdirilib. İstifadə tarixi: September 10, 2017.
8. ↑ "XXXTentacion Murder Suspect Seeks Bond to Get Out of Jail". Digital Music News. September 19, 2019. June 2, 2021 tarixində arxivləşdirilib. İstifadə tarixi: March 11, 2020.
9. ↑ Coscarelli, Joe. "Three Convicted in 2018 Murder of Rapper XXXTentacion". The New York Times (ingilis). March 20, 2023. ISSN 0362-4331. March 20, 2023 tarixində arxivləşdirilib. İstifadə tarixi: March 20, 2023.
10. ↑ "XXXTentacion: three men found guilty of murdering rapper". The Guardian (ingilis). March 20, 2023. ISSN 0261-3077. March 20, 2023 tarixində arxivləşdirilib. İstifadə tarixi: March 20, 2023.
11. ↑ "Jury convicts 3 of murder in death of rapper XXXTentacion". KTLA (ingilis). March 20, 2023. March 21, 2023 tarixində arxivləşdirilib. İstifadə tarixi: March 20, 2023.