Chiba, Chiba

Chiba (千葉市, Chiba-shi, pronounced [tɕiꜜba]) inggih punika ibu kota kota saking Préféktur Chiba, Jepang. Puniki magenah sawatara 40 kilométer (25 mi) ring sisi kangin pusat Tokyo ring Celuk Tokyo.^[1] Kota puniki dados kota sané katentuang olih pamréntah duk warsa 1992. Ring Désémber 2024, akéh panjaknyané 985.059, antuk kapadetan panjak 3.605 diri per km². Kota niki madué jimbar wawidangan 271.77 kilométer persegi (104.93 sq mi).

Kota Chiba inggih punika silih sinunggil labuhan segara utama ring Wawengkon Kantō, lan pinaka umah antuk Labuhan Chiba, sané nanganin silih tunggil volume kargo pinih tegeh ring Jepang. Akéh kota sané dados paumahan, yadiastun akéh pabrik lan gudang ring selantang pasisi. Wénten makudang-kudang pusat kota sané utama ring kota puniki, rumasuk Makuhari, distrik bisnis tepi pasisi utama ring dija Makuhari Messe magenah, lan Chiba Tengah, ring dija kantor pameréntah préféktur lan balai kota magenah.

Chiba kaloktah antuk Chiba Urban Monorail, monorel gantung pinih lantang ring jagat. Makudang tatujon kasub ring kota niki riantara ipun: Kasori Shell Midden, gundukan kerang pinih ageng ring jagat 134,000 m² (160,000 sq yd), Pasisi Inage, pasisi pakaryan manusa kapertama ring Jepang sané dados pahan saking pasisi pakaryan manusa sané pinih dawa ring Jepang, lan Taman Zoologi Chiba, sané kaloktah sangkaning ngadeg panda barak Futa.

1. ↑ "Archived copy" 千葉市 [Chiba-shi]. Nihon Rekishi Chimei Taikei (日本歴史地名大系 (ring Jepang). Tokyo: Shogakukan. 2012. Kaarsipin saking versi asli tanggal 2007-08-25. Kaaksés 2012-04-10.