Final Piala Jagat FIFA 1930

Final Piala Jagat FIFA 1930

Gol kapat Uruguay karipta olih panyerang Héctor Castro.
Acara	Piala Jagat FIFA 1930
Uruguay Argéntina 4 2
Tanggal	30 Juli 1930 (1930-7-30)
Genah	Éstadio Cénténario, Montévidéo
Wasit	John Langenus (Bélgia)
Pamiarsa	68,346
1934 →

Final Piala Jagat FIFA 1930 punika laga wimbakara sépakbola sané ngasilang jayanti pardana Piala Jagat FIFA 1930. Uruguay miwah Argéntina ngarebutang napi sané kanikayang "laga ulang" saking laga medali mas Olimpiade 1928, sané kamenangang Uruguay sesampun laga ulang.

Final kamainang ring Éstadio Cénténario ring Montévidéo, Uruguay, tanggal 30 Juli, rahina Buda. Punika satunggil wantah saking kalih Final Piala Jagat sané malaga ring rahina siosan rahina Redité, sané siosan punika Final Piala Jagat FIFA 1966, sané malaga ring rahina Saniscara. Tan sadia mataki-taki antuk laga punika krana tim sira sané pacang ngicénin bola laga. FIFA ngambil antuk kompromi, pinaka Argéntina pacang ngicénin bola antuk babak kapertama, miwah Uruguay antuk babak kakalih.^[1]

Lawang stadion kabuka saking jam kutus semengan, nem jam sadurung kick-off, miwah ring tengainé lapangan sampun bek,^[2] resmi karauhin 93,000 pamiarsa.^[3] Uruguay maasil "ngapertahanang" papolihan medali mas Olimpiade 4-2, mawali saking défisit 2-1 ring babak kapertama.

Pelatih Uruguay Alberto Suppici mayusa 31 ri kala punika, taler kantun megang rékor manados pelatih pinih anom saking tim jayanti Piala Jagat FIFA. Présidén FIFA, Jules Rimet, ngapersembahang Uruguay antuk Piala Jagat, sané salanturné kaaranin saking parab ipun. Rahina selanturné kanikayang rahina perai nasional ring Uruguay. ^[3] Ring Buénos Airés, massa nyabatin watu nuju konsulat Uruguay.^[4]

Pemain ungkur urip sané wénten ring final punika panyerang Argéntina Francisco Varallo, sané padem ring 30 Agustus 2010 ring yusa 100 warsa.^[5] Pemain ungkur Uruguay punika Érnésto Maschéroni, sané padem tanggal 3 Juli 1984 ring yusa 76 warsa.

1. ↑ "Uruguay 1930". BBC Sport. British Broadcasting Corporation. 11 April 2002. Kaaksés 25 February 2007.
2. ↑ Glanville, p19
3. ↑ ^{3,0 3,1} "FIFA World Cup Origin" (PDF). FIFA.com. Fédération Internationale de Football Association. Kaarsipin saking versi asli (PDF) tanggal 29 November 2007. Kaaksés 20 May 2007.
4. ↑ Glanville, p21
5. ↑ "Francisco Varallo, 100 not out". FIFA.com. Fédération Internationale de Football Association. Kaarsipin saking versi asli tanggal 9 July 2014. Kaaksés 20 June 2014.